Burela, 20 de xullo de 2020. O Concello de Burela confirmou a suspensión da Feira do Bonito deste ano e de Produart. O vindeiro mércores decidirá coa asociación Ledicia algunhas as actividades a realizar para render homenaxe ás xentes do mar durante a fin de semana na que debería celebrarse a cita gastronómica. Será izada, por exemplo, a bandeira azul no barco museo Reina del Carmen.
O alcalde, Alfredo Llano, contou que “tivemos unha reunión cos responsables da asociación Ledicia, con Rocío que é a presidenta, para estudar o que se fai facer este ano con respecto á Feira do Bonito. Evidentemente a feira como se viña coñecendo e como se veu celebrando os últimos anos é imposible de realizar derivado das esixencias protocolarias para ter baixo control o coronavirus. Polo tanto a Feira tal como se viña celebrando anulouse ao igual que Produart”.
O rexedor anunciou que “o mércores imos ter outra reunión para decidir que eventos e actividades imos realizar porque queremos facer algo aínda que sexa nada máis por honrar aos mariñeiros que están agora mesmo dedicados á pesca, a todos eles, incluso aos que pesquen outro peixe diferente ao bonito. Queremos tamén dar unha importancia fundamental á pesquería e ao bonito como especie que sempre nos tratou ben ao noso concello”.
Llano dixo que “o que se vai realizar seguro é o izado da bandeira azul no barco museo, será o primeiro sábado de mes que este ano coincide o día 1 de agosto, supoño sobre a unha e media. Acompañaremos o acto cunha peza musical. Tamén estudaremos algunha outra actividade sobre o bonito. Esas medidas tomarémolas o mércores, xunto a Ledicia, para que se note que debéramos estar celebrando a Feira do Bonito, algo tan importante para Burela, para A Mariña e para a provincia de Lugo”.
O Concello de Burela confirmou a suspensión da Feira do Bonito deste ano e de Produart
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos.