A Coruña, 17 de xullo, 2020. O PPdeG acompañou esta tarde aos traballadores de Alcoa San Cibrao e ás súas familias na marcha que transcorreu polas rúas da Coruña e que acabou diante da Delegación do Goberno en Galicia. A presidenta provincial do PP de Lugo, Elena Candia, explicou que o seu partido quixo coa súa presenza seguir defendendo os postos de traballo e o futuro da Mariña lucense fronte a un Goberno de Pedro Sánchez que debe actuar xa, porque “nin avanza na aprobación dun prezo eléctrico competitivo, nin avanza na intervención temporal da fábrica”.
“O responsable de que hoxe esteamos aquí e de que teñamos chegado a esta situación ten nome e apelidos: o Goberno de Pedro Sánchez decidiu desentenderse do problema, e polo tanto desentenderse da Mariña de Lugo, e non asumir a súa responsabilidade de establecer un prezo eléctrico competitivo para a industria electrointensiva galega”, afirmou Elena Candia, que lamentou que o presidente do Executivo central só fale do Estatuto para os consumidores electrointensivos cando ven a actos do seu partido a Galicia e se esqueza do tema cando chega á Moncloa.
A presidenta do PP de Lugo lembrou que a Xunta de Galicia ofreceuse en reiteradas ocasións a colaborar co Goberno para buscar unha saída que impida o despido de preto dun milleiro de traballadores –entre empregos directos de Alcoa e das empresas auxiliares–, recibindo o silencio por resposta.
“Se se ven incapaces de aprobar un prezo eléctrico a curto prazo que evite o ERE de Alcoa, tanto desde o Partido Popular como desde a Xunta apoiamos a solicitude do comité de empresa para que o Goberno realice unha intervención temporal mentres pecha esa tarifa enerxética que faga viable a planta de San Cibrao”, sinalou Candia.
O PPdeG seguirá defendendo aos empregos da Mariña e seguirá esixindo ao Goberno que deixe de poñer escusas coas que deixa tirados aos traballadores de Alcoa San Cibrao.
Se quere realmente evitar o peche da única fábrica de produción de aluminio primario que queda agora en España, o Goberno de PSOE e Unidas Podemos ten que mover ficha e asumir a súa responsabilidade, concretando cal é o plan industrial para San Cibrao que dixo que tiña, aprobando o Estatuto prometido hai máis de ano e medio, convocando a poxa de interrompebilidade para o segundo semestre deste ano, e autorizando as compensacións de custos por emisións indirectas de CO2 ata o máximo que permite Europa.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
