Viveiro, 5 de agosto, 2020. A alcaldesa e concelleiros do PSOE, María Loureiro, Suso Fernández, Lara Fernández-Noriega, Jesús F. Cal, Marisol Rey, César Iglesias, Emilio Villarmea e Victoria Baamonde, votaron en contra da moción do BNG que pedía transformar Viveiro nunha vila ciclábel e amábel coas bicicletas.
A moción elaborada polo BNG en consenso con asociacións, colectivos e persoas particulares de Viveiro, foi tumbada no pleno do 4 de agosto polo PSOE, sendo os únicos votos en contra os do actual Goberno Municipal onde o seu concelleiro de deportes, César Iglesias Docal, deixou claro que o seu partido non estaba a favor de ningún dos puntos desta moción. Puntos que propoñían cousas tan básicas como; a creación de ciclorúas, que segundo o concelleiro César Iglesias non teñen sentido, incluso sendo esta solución a práctica máis habitual que están a utilizar en toda Europa para dar solución e seguridade as bicicletas. Dotar de aparcabicicletas os lugares públicos segundo o concelleiro, o Goberno Municipal xa colocou alí onde llos solicitaron, Míriam Bermúdez lembroulle o Rogo do BNG no 2019 para dotar as praias e outros lugares públicos do concello que aínda hoxe non se materializou, e que no concello non hai aparcabicis nin nas praias nin nos lugares públicos e de gran afluencia. Permitir amarrar libremente na rúa as bicicletas sempre e cando non entorpeza a circulación peonil, segundo César Iglesias tamén se trata dun punto negativo, xa que arrimar unha bici deterioraría o mobiliarío urbano, Bérmudez aclaroulle que con esta medida está demostrado que se incentivan as compras no comercio local. Zonas avanzadas de espera ciclista nos semáforos, segundo César Iglesias non se poden facer pois non está contemplado no regulamento de circulación, Míriam respondeu que moitas vilas e cidades levan décadas pintando estas zonas avanzadas tanto para bicis como para motos. Promover campañas de sensibilización e apoio ao medio ciclábel, di que está ben potenciar a bicicleta pero que o Concello xa está en xestións para humanizar zonas do concello, sen ter nada que ver a proposición coa resposta. En canto ao punto relacionado coa creación dunha comisión de seguemento e estudo, segundo o concelleiro de Deportes, xustificou tamén o voto desfavorábel do PSOE dicindo que se debera convocar esta comisión antes do pleno, aínda sendo a alcaldía o único organismo con potestade para crear comisións.
“Resulta escandaloso que un Concelleiro de Deportes sexa capaz de desbotar unha moción que só buscaba potenciar e dar seguridade ás bicicletas” asegura Míriam Bermúdez, “e máis estando nun momento histórico no que o uso da bicicleta no noso concello aumentou nun 1000%, con moita xente agardando paraque se fixera algo para protexer e fomentar o seu uso”. “Dende o BNG facilitamos o texto da moción 2 meses antes do pleno para facela en conxunto con todos os partidos, para que nos preguntasen e poder aclarar as dúbidas, así como modificar, quitar ou engadir o que fixera falta para mellorar o rol da bicicleta en Viveiro. Hai moita xente que non está a coller a bici por medo, porque as políticas municipais de ordenación de tráfico están ausentes ou son desastrosas e non se ten en conta a necesidade de protexer as persoas máis vulnerábeis da calzada.
“Só era necesaria vontade política, mais por desgraza o único que se constatou”, afirma Bermúdez, “foi que o PSOE de María Loureiro non tiña nin o máis mínimo interés en aprobala, cun argumentario carente de información e de interese por facer que Viveiro fora unha vila propia do século XXI e amábel coas bicicletas.”
A votación do pleno finalizou cos únicos votos en contra do PSOE de María Loureiro:
BNG, Por Viveiro e Son Viveiro: a favor.
PP: abstención.
PSOE: en contra.
COMISIÓN DE SEGUEMENTO E ESTUDO
Aínda así, Míriam Bermúdez insiste en que, un dos eixos fundamentais do BNG é devolver as vilas e cidades ás persoas, humanizando os espazos e favorecendo o transporte público e medios sustentábeis e amábeis coas persoas como son as bicicletas. Polo que a concelleira do BNG solicitou por rexistro o día seguinte ao pleno, a creación dunha comisión de seguemento e estudo co fin de impulsar a creación de viais de preferencia ciclista e de carrísbici ao longo de todo o concello, para tratar nesta comisión a reducción da velocidade a 30km/h nas zonas urbanas coa creación de ciclorrúas, as zonas avanzadas de espera, a instalación de aparcabicis que permitan atar a bici ao cadro e a permisividade de amarrar as bicicletas libremente en farolas, sinais e árbores sempre e cando permitan a circulación peonil cómoda.
Sendo tamén obxectivo desta comisión o de crear e promover campañas de sensibilización e apoio ao medio ciclábel co obxectivo de avivar o interese polo desprazamento nestes medios, permitindo a participación aos membros das asociacións interesadas (veciñais, deportivas…) do municipio así como a un membro de cada partido politico.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
