A Mariña, 22 de agosto de 2020. Esta semana seguirán os roteiros de A Mariña en ruta, organizados pola Mancomunidade. Nesta ocasión achegaranse ata Trabada, Mondoñedo, A Pontenova, Ribadeo e Lourenzá. Serán do 24 ao 28 de agosto.
O luns, día 24, terá lugar un roteiro pola Fraga da Vilapena, en Trabada, que será guiado por Óscar Chao. Trátase dunha ruta de interpretación dun bosque húmido cantábrico. Será unha iniciación á busca e interpretación de indicios de presenza de fauna silvestre (pegadas, excrementos, depredación, etc). Durante a ruta os asistentes poderán observar a flora atlántica característica dun bosque húmido, así como comprobar a presenza de diferentes especies animais, normalmente esquivas e de hábitos nocturnos, a través de cámaras de foto-trampeo.
Municipio: Trabada.
Data: 24 de agosto do 2020.
Hora de inicio: 10:00 horas.
Duración: 2 horas e media.
Lugar de inicio: Vilapena (Trabada). Coordenadas: 43.408785, -7.219400
Dificultade: Media.
Observacións: A organización recomenda levar auga, crema solar e repelente de insectos. Suxírese levar roupa axeitada, con pantalón longo e botas de montaña. Debido á situación sanitaria derivada do SARS-Cov2, ofrecerase material de consulta e información da ruta para descargar a través de código QR, polo que se o desexan deberán ter instalada nos seus dispositivos unha app de lectura de códigos.
Prazas dispoñibles: 15.
O martes, 26 de agosto, desenvolverase a ruta pola Fraga Vella, en Mondoñedo, que tamén será guiada por Óscar Chao. Este é un roteiro de interpretación de ecosistemas característicos da Serra do Xistral. Trátase dunha ruta de iniciación á busca e interpretación de indicios de presenza de fauna silvestre (pegadas, excrementos, depredacións, etc). Os participantes terán a posibilidade de observar turbeiras húmidas e a súa flora asociada, manadas de cabalos salvaxes, bosques de acivros… e poderán comprobar a presenza de diferentes especies animais, normalmente esquivas e de hábitos nocturnos, a través de cámaras de foto-trampeo.
Municipio: Mondoñedo.
Data: 25 de agosto del 2020.
Hora de inicio: 10:00 hs.
Duración: 2 horas e media.
Lugar de inicio: Parroquia de Estelo (Mondoñedo). Coordenadas: 43.435157, -7.430200.
Dificultade: Media.
Observacións: Recomendable levar binoculares, crema solar e repelente de insectos. Suxírese levar roupa axeitada, con pantalón longo e botas de montaña, e auga. Debido á situación sanitaria derivada do SARS-Cov2, ofrecerase material de consulta e información da ruta para descargar a través de código QR, polo que se o desexan deberán ter instalada nos seus dispositivos unha app de lectura de códigos.
Prazas dispoñibles: 15.
Para o mércores, 26 de agosto, está programada a Xeoruta do Ferro, na Pontenova, que será guiada por Francisco Canosa. Falar da Pontenova é falar de ferro, unha intensa actividade mineira foi no seu momento o gran motor económico desta parte da Mariña lucense. Esta Xeoruta do Ferro achegará aos asistentes á orixe das rocas que forman este lugar, así como cando, como e porque se acumulou tal cantidade de ferro nas montañas da Pontenova.
Municipio: A Pontenova.
Data: 26 de agosto do 2020.
Hora de inicio: 10:00 horas.
Duración: 3 horas.
Lugar de inicio: Fornos da Pontenova (O Pontenova).
Dificultade: Media.
Observacións: Uso de roupa e calzado cómodo. Gorra e crema solar ou chaqueta impermeable (roupa acorde coa meteoroloxía do día). Auga.
Prazas dispoñibles: 15.
O xoves, día 27, será a ruta por Rinlo, o paraíso por Ribadeo. Os encargados de guiala serán Pedro Rolle e Guido Álvarez. Trátase dun roteiro de trazado circular, no que as persoas que acudan gozarán da fauna, da flora e da historia de Rinlo. Situado no litoral lucense, o pobo de Rinlo é un dos poucos que conserva a súa costa tal e como a tiña hai un século. De carácter predominantemente mariñeiro, foi transformando a súa economía cara ao turismo. Son innumerables os tesouros que encerra este pequeno e acolledor pobo costeiro. É un antigo porto baleeiro, ten as cetarias naturais máis antigas da península. E ademais conta cos Ollos, formacións xeolóxicas naturais, precursoras dos arcos que se observan na praia de As Catedrais.
Municipio: Ribadeo.
Data: 27 de agosto del 2020.
Hora de inicio: 10:00 horas.
Duración: 3 horas e media.
Lugar de inicio: Aparcamento. Coordenadas: 43°38’30.5″N 7°06’20.2″W
Dificultade: Baixa.
Observacións: Uso de roupa e calzado cómodo (non fai falta impermeable, non se vai andar por zonas encharcadas). Gorra e crema solar (zona de montaña aberta). Auga. Prismáticos e en caso de ter algún libro de fauna (aves, insectos) e/ou flora.
Prazas dispoñibles: 25.
E o venres, 28 de agosto, terá lugar unha ruta por Lourenzá, a terra do Conde Santo, que tamén guiarán Pedro Rolle e Guido Álvarez. Este será un roteiro circular de 3´6 quilómetros. Lourenzá é famosa por un tesouro culinario: a faba de Lourenzá. Situada entre os municipios de Barreiros e Mondoñedo, alberga no seu patrimonio xoias do barroco, mosteiros, pazos, etc. Ademais do Camiño Norte de peregrinación a Compostela. Por ser terra de labradores e estar máis influenciada polo mar (máis que outros municipios do interior da Mariña Lucense) a súa flora e fauna son moi diversas. Natureza, historia e patrimonio xúntanse neste roteiro, para facer dela unha das máis completas da comarca.
Municipio: Lourenzá.
Data: 28 de agosto del 2020.
Hora de inicio: 10:00 horas.
Duración: 3 horas.
Lugar de inicio: Praza Linares Rivas, Travesía da Mariña 1 (Lourenzá).
Dificultade: Baixa.
Observacións: Uso de roupa e calzado cómodo (non fai falta impermeable, non se andará por zonas encharcadas). Gorra e crema solar (zona de montaña aberta). Auga. Prismáticos e en caso de ter algún libro de fauna (aves, insectos) e/ou flora.
Prazas dispoñibles: 25.
Desde a Mancomunidade de Concellos da Mariña Lucense lembran que os prezos dos roteiros son: 5 euros individual / 8 euros parella / 12 euros familiar ou grupo ata 5 membros.
A Mariña en Ruta é unha iniciativa da Mancomunidade que se realiza coa colaboración da Axencia de Turismo de Galicia e, para a súa promoción, da Deputación de Lugo.
Para máis información:
https://enruta.amarinalucense.gal/
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
