Viveiro, 21 de agosto, 2020. Hoxe, como cada ano, teriamos que comezar coas celebracións da Romaxe do Bo Xantar no val do Naseiro, saboreando a nosa gastronomía nun ambiente festivo e cheo de ledicia.
Como tod@s sabedes, este verán non é un verán máis, e a crise sanitaria do coronavirus obríganos a tomar medidas e decisións para preservar a saúde e a seguridade da veciñanza.
Hoxe non podemos celebrar o día do Pulpo como sempre facemos e Naseiro non será un poboado con milleiros de romeiros, pero espero que pasedes unha boa fin de semana coas vosas familias.
Pola coincidencia de San Roque en domingo, o luns, 24 de agosto, será festivo local, polo que vos desexo uns días de ledicia e saúde en compañía dos vosos seres queridos.
A Romaría do Naseiro, declarada Festa de Interese Turístico Nacional en 1967 e considerada como unha das máis grandes e de maior tradición de Galicia, volverá con forza, e quero aproveitar estas liñas para agradecer o apoio e a colaboración en todo momento da comisión organizadora. Sen o seu traballo non sería posible celebrar esta festividade, que forma parte do noso acervo cultural.
A situación sanitaria a día de hoxe é boa en Viveiro, xa que as autoridades dan por controlado o gromo da Mariña, pero é fundamental extremar as precaucións para reducir o risco de novos contaxios.
Grazas a tod@s! Bo Xantar e Saúde!
María Loureiro García, alcaldesa de Viveiro
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
