Lugo, 25 de setembro, 2020. A Asociación Provincial de Empresarios de Hostalería e Turismo de Lugo (Apehl) mostra o seu apoio absoluto, xunto a Hostelería de España, á decisión que tomou a CEOE de paralizar as negociacións na prórroga dos ERTE ante a negativa do Goberno de incluír á hostalería e ao comercio.
O Goberno será responsable, se esta é a súa decisión final, da destrución de emprego e a desaparición dun terzo das empresas do sector. A día 31 de agosto había máis de 300.000 traballadores cobrando os ERTE (datos INE) e o sector pregúntase que pensa facer o Goberno con eles a partir do 30 de setembro, coas empresas con facturacións por debaixo do 50 %, o que fai inasumible nin sequera o pago dos gastos fixos de apertura dos negocios.
Por iso, desde Apehl agradecemos o apoio ao sector que está a demostrar a CEOE con esta decisión de pór freo ás intencións do Goberno e chamamos á recapacitación dos responsables políticos, para non deixar morrer a miles de pequenas e medianas empresas que sosteñen o sector hostaleiro neste país.
Ademais, existen exemplos noutros países de Europa, como Alemaña, que prorrogou os ERTE ata o 31 de decembro de 2021 para todos os sectores e cunha exoneración do 100 %.
Se non se aprobase a prórroga dos ERTE no sector hostaleiro, poderíase chegar a unha perda de 700.000 postos de traballo en todo o país, chegando mesmo a superar o millón de empregos se se suman os postos indirectos.
A Apehl apoia a decisión da CEOE de levantarse da mesa das negociacións de prórroga dos ERTE ata que non se inclúa o sector hostaleiro
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
