Lugo, 24 de setembro de 2020. A Semana Europea das Rexións e das Cidades2020 (#EURegionsWeek), o maior evento anual de política rexional da Unión Europa, manterá aberta ata este domingo a inscrición para seguir o obradoiro que coordinará a Deputación de Lugo, xunto a outros tres socios europeos, sobre o reto europeo do envellecemento activo post Covid-19. Neste encontro, que se celebrará de maneira virtual o día 13 de outubro, abordarase a situación das persoas maiores en Europa ante a pandemia co fin de intercambiar boas prácticas, ideas, medidas e solucións que fomenten o seu benestar e a mellora da súa calidade de vida.
Xunto á Deputación de Lugo, que expoñerá a súa experiencia na atención a persoas maiores e no envellecemento activo, neste obradoiro tamén participarán a rexión austríaca de Burgerland, que analizará os coidados domiciliarios, o municipio Palaio Fairo de Grecia, que abordará o investimento nun envellecemento saudable e activo a través da dixitalización, e a municipalidade italiana de Mantua, da rexión de Lombardía,que amosará a experiencia dun laboratorio local de innovación en benestar.
No encontro pode inscribirse a cidadanía en xeral, persoal técnico e axentes do sector sociosanitario e asistencial accedendo á seguinte ligazón: https://europa.eu/regions-and-cities/programme/sessions/1598
O Goberno da Deputación ve prioritario para as administracións públicas e axentes socioeconómicos incorporar factores demográficos no deseño e desenvolvemento de políticas sociais e de saúde para mellorar a calidade de vida das persoas e en especial dos maiores.
500 sesións de traballo
A Semana Europea das Rexións e das Cidades 2020 celebrarase de xeito virtual entre os días 5 e 22 de outubro. Ofrecerá aos participantes máis de 500 sesións de traballo dixital durante as tres primeiras semanas de outubro en tres áreas temáticas: empoderar aos cidadáns; cohesión e cooperación; e a Europa Verde.
O programa completo desta edición e a inscrición na Semana Europea das Rexións e das Cidades pódese facer en: https://europa.eu/regions-and-cities/register
A Deputación de Lugo foi seleccionada entre máis de 6.000 candidaturas para participar na Semana Europea das Rexións e das Cidades 2020, unha plataforma de comunicación e traballo en rede que agrupa rexións e cidades de toda Europa, incluíndo os seus representantes políticos, funcionariado, e expertos e académicos. Na edición de 2019 participaron máis de 9.000 persoas.
A institución provincial propuxo neste encontro europeo a discusión dos retos comunitarios sobre o envellecemento activo e saudable ante a crise de saúde global provocada polo coronavirus, na que o colectivo das persoas maiores é o máis afectado, e no marco do compromiso da Deputación co benestar dos maiores da provincia.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).