Lugo, 21 de outubro de 2020. A Deputación de Lugo acaba de ingresar na asociación Ruta Transrománica, un organismo do Consello de Europa que ten como obxectivo fundamental o estudo da arte románica europea e a promoción dos itinerarios artísticos a nivel internacional. O Presidente da institución provincial, José Tomé Roca, xunto á Deputada de Réxime Interior, Promoción do Territorio e Turismo, Pilar García Porto, anunciou este xoves nunha rolda de prensa esta boa nova, que sitúa ao románico lucense no máis alto nivel de recoñecemento e visibilidade europeos, “o que contribuirá á promoción turística da provincia nun momento de gran dificultade para o sector debido á pandemia”.
O Presidente cumpre así co compromiso que fixo hai menos dun ano, en novembro de 2019, no Parador de Monforte, durante unhas xornadas sobre a importancia do románico no Camiño de Inverno organizadas pola Fundación Juana de Vega, onde anunciou a súa vontade de liderar e impulsar a integración do románico da Ribeira Sacra na Rede Europa de Itinerarios Culturais Europeos, dentro da Asociación Ruta Transrománica.
José Tomé, quen agradeceu e felicitou polo seu “gran traballo” á Deputada de Turismo e ao seu equipo para sacar adiante unha candidatura “rigorosa e de calidade” que fixo posible entrar nesta entidade “este ano, nun tempo récord”, explicou que esta medida forma parte da “aposta e do traballo que desenvolvemos dende a Deputación de Lugo por promocionar o noso territorio a través do turismo. Un turismo de calidade, de experiencias, respectuoso co entorno, que pon en valor a nosa riqueza patrimonial, e con capacidade para atraer a visitantes ao longo de todo o ano”. “Cremos que esta é a fórmula axeitada para facer do turismo un instrumento eficaz para crear emprego sostible e fixar poboación na nosa provincia, sobre todo no rural, un dos noso grandes obxectivos como Goberno”.
A presencia da provincia na Transrománica grazas á iniciativa da Deputación tamén será “un importante apoio para a candidatura da Ribeira Sacra a Patrimonio da Humanidade, unha candidatura que foi impulsada pola Deputación de Lugo e á que logo se sumaron outras administracións, como a Deputación de Ourense e a Xunta de Galicia, e que lidera o Ministerio de Cultura do Goberno de España”, subliñou o Presidente, quen considera, así mesmo, que supoñerá “un aliciente e un reclamo para a promoción do Camiño de Inverno de cara ao Xacobeo 2021”.
“Este recoñecemento chega nun momento no que pode axudar ao sector turístico, tan gravemente afectado pola pandemia, a manterse e reactivarse”, manifestou o Presidente.
Selo de Itinerario Cultural
A Ruta Transrománica está recoñecida oficialmente co selo de Itinerario Cultural do Consello de Europa e trátase dunha das principais rutas culturais paneuropeas. Está integrada por rexións de 9 países da Unión Europea – Austria, Alemaña, Francia, Italia, Romanía, Portugal, Serbia, Eslovaquia e España- e aglutina un conxunto de monumentos románicos, moitos deles declarados Patrimonio da Humanidade pola UNESCO.
A provincia de Lugo é o terceiro lugar de toda España que entra a formar parte desta entidade, despois de Castela e León, co mosteiro de Santo Domingo de Silos, e a cidade de Zamora.
Por medio da colaboración transrexional e transnacional e de acordos entre os sectores públicos e privados, a asociación Ruta Transrománica persegue hoxe un triplo obxectivo, como é fomentar o estudo do románico, dar visibilidade a esta arte mediante a organización de eventos culturais de todo tipo e garantir que os sitios sexan accesibles ao público máis amplo posible.
Dez igrexas de dez concellos da Ribeira Sacra
A candidatura que presentou a Deputación de Lugo recolle 10 igrexas de arte románico situadas en 10 concellos da Ribeira Sacra. “Fixemos esta selección para asegurar a maior representación posible do territorio”, incidiu o mandatario provincial, quen engadiu que a vontade da institución é ir incluíndo progresivamente máis monumentos no itinerario, xa que só no sur da provincia “podemos atopar 47 igrexas románicas, 16 igrexas con elementos románicos e 31 de orixe medieval”.
As igrexas que inclúe a candidatura son as seguintes: o mosteiro do Divino Salvador, en Ferreira de Pantón; a igrexa de San Xoán da Cova, en Carballedo; a igrexa de Santa María de Nogueira de Miño, en Chantada; a igrexa de San Pedro de Ribas Altas, en Monforte de Lemos; a igrexa de San Facundo de Ribas de Miño, en Paradela; a igrexa de San Nicolás ou San Xoán, en Portomarín; a igrexa de Santa María de Torbeo, en Ribas de Sil; a igrexa de Santo Estevo de Ribas de Miño, no Saviñao; a igrexa de Santa María de Proendos, en Sober; e a igrexa de Santa María de Taboada dos Freires, en Taboada.
“A candidatura presentámola á Asemblea Xeral da Transrománica, onde participan 12 rexións de 9 países europeos e alí, a proposta da Deputación de Lugo foi apoiada por unanimidade”, relatou o Presidente. Logo, esa proposta foi avaliada polo Consello Asesor Científico, co que quedou ratificada a adhesión da Deputación a esta entidade con pleno dereito.
Elementos patrimoniais únicos e de gran calidade
No documento de confirmación da entrada da Deputación de Lugo na ruta, o Consello Asesor Científico destacou “que a nosa proposta inclúe elementos patrimoniais románicos únicos e de gran calidade, e, neste sentido, menciona especialmente a igrexa de San Nicolás de Portomarín, Santo Estevo de Ribas de Miño e a igrexa de Ferreira de Pantón”, detallou Tomé Roca. O Consello tamén reflexa que a selección elaborada dá mostra da imaxe característica da paisaxe cultural do norte de España con “románico puro” e cualifica como “excelente” a documentación aportada pola Deputación.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
