Viveiro, 3 de outubro de 2020. A alcaldesa de Viveiro, María Loureiro, e a concelleira de Cultura, Lara Fernández Fernández-Noriega, entregaron esta mañá os premios de varios concursos celebrados durante os últimos meses, uns actos que tiveron que aprazarse pola situación sanitaria.
Ás 12:00 horas na sala multiusos do concello, entregaronse os premios correspondentes ao Concurso de fotografía amateur ‘Traballos e mulleres’ e o de debuxo escolar ‘Muller traballadora’, convocados pola delegación municipal de Muller e o Centro de Información ás Mulleres (CIM) de Viveiro con motivo da conmemoración do Día Internacional da Muller.
No concurso de fotografía amateur ‘Traballos e mulleres’ formaron parte do xurado José María Álvez (fotógrafo de El Progreso), Pepa Losada (fotógrafa de La Voz de Galicia), Saúl Jiménez (fotógrafo Carlos fotógrafos) e Toño Goás (fotógrafo de Toño Goás), resultando premiados:
1º PREMIO.- REYES CERDÁ MIRA. FOTO “REDES”
2º PREMIO.- LUIS MARÍA BARRIO SÁENZ. FOTO “LA TEJEDORA Y EL TELAR”
3º PREMIO.- DIEGO COSTA RAMOS. FOTO “ENRUGAS DE UNHA VIDA”
No concurso de debuxo escolar ‘Mamá traballadora’ formaron parte do xurado Lara Fernández Fernández-Noriega (concelleira Cultura e Muller), Margarita Fernández (directora CIM Viveiro) e Ana María Abad López (psicóloga CIM Viveiro), resultando premiados/as:
3º E.P.- DIEGO ALEMPARTE DÍAZ (CEIP SANTA RITA DE GALDO)
4º E.P.- JUAN MÍGUEZ VÁZQUEZ (CPR LANDRO)
5º E.P.- LAURA PEÑA RODRÍGUEZ (CPR LANDRO)
6º E.P.- LUCÍA MARTÍNEZ BERMÚDEZ (CPR LANDRO)
Posteriormente, ás 12:30 horas na biblioteca, o concello entregou o premio á gañadora do concurso para elixir mascota da biblioteca, Lucía Martínez Bermúdez.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).