Lugo, a 23 de outubro de 2020. A voceira popular de Muras, Eugenia Requeijo, trasladoulle á presidenta provincial do PP, Elena Candia, a súa preocupación ante “a inactividade do goberno bipartito local. É un proxecto que está estancado e acabado”, subliñou.
A máxima dirixente dos populares lucenses dá así continuidade á rolda de xuntanzas de traballo cos portavoces do Partido Popular nos municipios da provincia escoitando as preocupacións da voceira de Muras sobre os asuntos de interese para o concello e os seus veciños e veciñas.
Eugenia Requeijo asegura que “o goberno municipal ten abandonado todo o concello”. Así llo trasladou tamén no último pleno ao equipo de goberno expresando as súas críticas á falta de xestión e de organización dos traballos do día a día da actividade municipal para manter as instalacións públicas de titularidade municipal en bo estado de conservación para o seu uso por parte dos veciños e veciñas.
A popular asegura que “temos que vir os do Grupo Municipal Popular a organizarlle o traballo ao alcalde e, aínda por riba, cando lle dicimos o que está sen facer, pon todo tipo de escusas. A culpa nunca é del”, lamenta Eugenia Requeijo.
A voceira do PP en Muras sinala que “son moitos os lugares do concello que se atopan sen limpar porque non se realizaron as tarefas de conservación que lle corresponden”. Un destes exemplos atopámolo nas prazas do Viveiró e de Muras que teñen sucio todo o seu mobiliario e, incluso, a súa iluminación é escasa.
Abandono das instalacións municipais
Eugenia Requeijo enumera, así mesmo, outras deficiencias na conservación das instalacións municipais como é o caso do canlón do cemiterio que, a pesar de ser arranxado recentemente, “xa se atopa atascado”. Tamén se atopa abandonada, completamente chea de maleza, a finca da Escola de Irixoa e “o campo de fútbol de Chao de Currás estase a converter nun vertedoiro cheo de escombros e de restos de podas”.
A voceira popular explica que “estes son só algúns exemplos das deficiencias que poden apreciar tódolos veciños e veciñas nas instalacións de uso público”. Polo tanto, dende o Grupo Municipal do PP pídenlle ao goberno local “que as corrixa de forma inmediata executando as necesarias labores de limpeza e reparación”.
Eugenia Requeijo subliña que “grazas ás queixas que facía públicas fai uns días o noso Grupo, están agora a limpar o patio do CEIP Antía Cal onde os sumidoiros se atopaban atascados e os muros e as beirarrúas cheos de maleza. Tamén faltan chapas do teito do pavillón”, engade.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
