Ribadeo, 3 de outubro de 2020. O salón de plenos acolleu este xoves a sinatura do convenio de colaboración entre o Concello e Acisa e o protocolo con Abanca para a posta en marcha da campaña das Panchas, a moeda local de Ribadeo, que arrincará o vindeiro 9 de outubro. O concelleiro de Desenvolvemento Local, Pablo Vizoso, anima aos establecementos comerciais e hostaleiros ribadenses a adherirse a esta campaña. Ata o momento son 60 os locais que se sumaron á iniciativa. Os interesados en facelo poden informarse e anotarse ata o 5 de outubro.
Vizoso Galdo declarou que “coa firma deste convenio, e tamén deste protocolo, poñemos a andar a maquinaria para proceder ao canxe de euros por panchas, e tamén os procesos de adhesión, de validación e de cobro para que estean plenamente operativos a partires do próximo 9 de outubro”.
O edil ribadense dixo que “estamos a observar a moi boa acollida que ten esta iniciativa por parte dos titulares dos establecementos de Ribadeo, de feito xa van en torno a 60 comercios e locais de hostalería adheridos. Tamén sabemos que a clientela destes locais está moi pendente do inicio da campaña para canxear os euros polas panchas, e así poder consumir e desfrutar desta iniciativa desde o próximo 9 de outubro ata o 1 de decembro. Por 30 euros cada persoa levará 40 panchas”.
O concelleiro de Desenvolvemento Local subliñou que “na edición anterior puxéronse en circulación mil packs de panchas, que se esgotaron practicamente nos primeiros trece días e entre outros motivos, principalmente tamén por este, este ano dado que a campaña se prolonga case durante dous meses serán 3.700 packs de panchas os que se poderán empregar, os que se poderán canxear, para facer as compras no comercio máis próximo, no que temos a carón da nosa casa, e tamén para poder saborear as propostas gastronómicas da nosa hostalería local. Esta é unha das novidades, este ano poderase pagar con panchas nos locais hostaleiros adheridos”.
Pablo Vizoso engadiu: “animo aos negocios de Ribadeo a adherirse a esta campaña, aínda poden facelo ata o 5 de outubro, porque entre todos conseguiremos poñer en circulación como mínimo 150.000 euros en volume de negocio e inxectaremos unha cantidade importante de liquidez moi necesaria para os establecementos participantes e para a cidadanía, sobre todo tendo en conta o período e o ano no que nos encontramos”.
No acto de sinatura do convenio e do protocolo con Acisa e con Abanca participaron o presidente e o xerente da Asociación de Comerciantes, Francisco Iriarte e Jesús Pérez, o director de Abanca en Ribadeo, Angel Macía, así coma o alcalde e o concelleiro de Desenvolvemento Local, Fernando Suárez e Pablo Vizoso. Como secretario actuou José Rodil.
As persoas que non puideron obter a súa entrada durante o período de reserva anticipada poderán recoller as entradas restantes o propio día da función, mércores 5 de agosto, a partir das 20:00 horas, na taquilla do Teatro Pastor Díaz. A entrega realizarase ata completar a capacidade do recinto, cun máximo de catro entradas por persoa. O Concello de Viveiro agradece a excelente acollida que está a ter esta representación e lamenta as molestias que esta situación poida ocasionar.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
