Viveiro, 26 de outubro de 2020. A área de Deportes financiará as obras de mellora no campo de tiro de San Roque de Viveiro, que xestiona o Club de Tiro San Roque. Así o anunciou o deputado Efrén Castro tras visitar as instalacións, atendendo á demanda realizada pola directiva do club viveirense.
Os traballos consistirán na substitución da cuberta do foso olímpico da cancha B e no cambio da cuberta do local social. Ademais, reformarase o acceso á cancha A cunha rampa que facilitará a accesibilidade ao campo.
As obras executaranse en dúas fases, unha primeira no que queda de ano e, a segunda, na vindeira anualidade, aproveitando os períodos sen actividade competitiva. O investimento previsto é duns 14.000 euros, que se canalizarán a través dun convenio entre a área de Deportes e o Concello de Viveiro, propietario das instalacións.
Efrén Castro explicou que “desde a área de Deportes se chegou a un acordo co club e co concello para realizar as obras que, sinalou, que mellorarán as condicións de uso dunhas instalacións cun gran potencial xa que son, xunto coas das Pontes e Xixón, as únicas do norte peninsular habilitadas para albergar competicións federadas ao contar con dúas canchas”.
“Con este investimento, continuamos coa nosa liña de apoio aos clubs e as asociacións deportivas, atendendo tamén aquelas modalidades deportivas que teñen menor foco mediática pero que arrastran moita afección e que contribúen a dinamizar socialmente e economicamente o territorio”, engadiu.
A actividade no campo de tiro de San Roque multiplicouse nos últimos anos, pasando de tirarse 30.000 platos en 2017 a 200.000 en 2019. As instalacións acolleron neste tempo diferentes probas de circuítos estatais, como o Campionato de España Absoluto que tiñan previsto celebrar esta primavera e que se suspendeu por mor da pandemia.
Ademais, o Club de Tiro organiza cada ano Gran Tirada San Roque, unha das probas sociais con maior capacidade convocatoria do norte da Península, con participación de tiradores e tiradoras con palmarés internacional. O Club conta con preto de 60 persoas asociadas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
