Lugo, 3 de novembro de 2020. A Consellería do Medio Rural vén de aboar preto de 19 millóns de euros (18.965.724 euros) de anticipos de axudas da Política Agraria Común (PAC) na provincia de Lugo, correspondentes á campaña 2020-2021. En total, benefician a 7.902 gandeiros lucenses.
O delegado territorial da Xunta en Lugo, Javier Arias, explicou que o Fondo Galego de Garantía Agraria (Fogga) efectuou os pagamentos a semana pasada, tras a realización de todas as comprobacións administrativas e dos controis obrigatorios sobre o terreo. En concreto, aboáronse dúas liñas de achegas directas da PAC, as de vacas nutrices e as de vacún de leite, co obxecto de dar liquidez ás explotacións gandeiras.
En canto ao reparto por comarcas dos anticipos que acaban de transferirse, a Terra Chá rexistra o maior volume (5,2 M€ para 1.888 gandeiros); seguida da comarca de Lugo (3,4 M€ e 1.399 beneficiarios); a comarca de Sarria (2,9 M€ e 1.247 beneficiarios); a Zona Sur (comarcas de Chantada, Lemos e Quiroga, con 2,4 M€ e 962 beneficiarios); A Montaña (1,5 M€ e 1012 beneficiarios); A Mariña (1,5 M€ e 772 beneficiarios); A Ulloa (976.803 euros e 383 beneficiarios) e a comarca de Meira (843.943 euros e 239 beneficiarios).
A Xunta prevé realizar un novo pago no mes de decembro, de forma que no ano 2020 en Galicia se alcance o obxectivo de importes superiores a 140 millóns, beneficiando así a máis de 26.000 solicitantes.
Cómpre salientar que estas achegas son de gran interese para o sector primario, xa que conseguen reducir as diferenzas entre a renda agraria e a urbana, á vez que potencian aos agricultores realmente activos e prácticas agrícolas beneficiosas para o clima e o medio ambiente.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
