Mondoñedo, a 24 de novembro de 2020. O Servizo de Atención Temperá que presta o Concello de Mondoñedo para unha agrupación integrada por outros sete Concellos (Abadín, A Pastoriza, A Pontenova, Barreiros, Lourenzá, Riotorto e Trabada) amplíase para atender tamén aos nenos e nenas de 0 a 6 anos dos Concellos de Pol e Meira que precisen algún tipo de tratamento terapéutico para facilitar o desenvolvemento da súa autonomía persoal e a súa inclusión social.
Ata o de agora, o Servizo de Atención Temperá que pertence á Rede galega de atención temperá da Xunta de Galicia está a prestar atención a 41 nenos e nenas con trastornos do desenvolvemento ou con risco de padecelos; así coma as súas familias.
Dende o goberno local explican que “o Concello de Mondoñedo lidera este proxecto aproveitando a súa ubicación como epicentro do territorio dos concellos que integran a agrupación para a que se presta o servizo de atención temperá”.
Así mesmo, destacan “a importancia do consenso e o traballo conxunto entre concellos pequenos” porque “facilita a implantación de servizos para mellorar a calidade de vida nosos veciños e veciñas”. Neste caso, poñen tamén en valor o traballo dos profesionais que, deste xeito, “ofrecen os seus servizos nun entorno próximo para as familias”.
Atención Postemperá para nenos e nenas de máis de 6 anos
Co obxectivo de complementar este servizo “e atendendo a unha necesidade real”, o Concello de Mondoñedo impulsou tamén a creación da prestación de atención postemperá para nenos e nenas de máis de 6 anos e dar continuidade á atención que estaban a recibir”.
Deste xeito, o Servizo de Atención Postemperá prevé continuar a desenvolver os procedementos terapéuticos con 10 nenos e nenas que cumpriron a idade máxima dos 6 anos para seren atendidos na unidade temperá. Dende o goberno local sinalan que “desta forma favorécese a integración plena dos menores”.
Por outro lado, este mesmo servizo de atención postemperá pode cubrir outras necesidades; xa que os algúns usuarios da minirresidencia de menores que abriu o pasado verán xestionada pola Fundación Educativa e Social Dignidade, poderían necesitar atención e sesión terapéuticas que esta unidade podería resolver de xeito satisfactorio para os residentes.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
