Ribadeo, 4 de novembro de 2020. A Concellaría de Cultura promociona a danza contemporánea para o público xeral e para o alumnado da súa Escola Municipal de Música e Danza. Será este domingo, 8 de novembro, ás 17:30 horas no Auditorio Municipal. Sabela Domínguez e Julia Laport, da compañía Elahood, ofrecerán unha función para todos os públicos. A edil Pilar Otero anima á veciñanza a acudir a esta cita.
A concelleira de Cultura declarou que “a pesar de como condiciona a nosa vida a pandemia, e dado que o sector do lecer cultural revélase como dos máis seguros, a Concellería de Cultura de Ribadeo segue cunha programación que se mantén case nos niveis precovid. Así mantén o compromiso que a principios deste ano contraera co colectivo Cara A Unha Escea Plural que, baixo o patrocinio de Agadic, busca que a danza contemporánea teña un lugar fixo nas programacións culturais anuais. A cambio da programación de espectáculos de danza por parte dos Concellos adheridos, entre os que se atopa Ribadeo, impartirase unha clase didáctica de acompañamento da obra elixida, neste caso A soidade de Wally da compañía Elahood. A masterclass será impartida polas bailarinas Sabela Domínguez e Julia Laport, este sábado, día 7 de novembro, ás once da mañá no Auditorio Municipal e está dirixida ao alumnado de maior idade de Área de Danza da Escola Municipal de Música e Danza de Ribadeo. A función para todos os públicos terá lugar tamén no Auditorio Municipal o domingo, 8 de novembro, ás cinco e media da tarde”.
Pilar Otero explicou que “Elahood é unha compañía de danza urbana, fundada en xaneiro de 2017, por Sabela Domínguez e Julia Laport. Nace co obxectivo de desenvolver a súa visión artística, axudar a promover a danza urbana e a profesionalización da mesma na Galiza. Con traxectoria profesional en diferentes países, Sabela e Julia compaxinan o seu traballo como directoras e intérpretes en Elahood colaborando con creadoras e creadores de diversas disciplinas artísticas, música, videocreación, teatro, etc… Forman parte activa da comunidade de danza urbana en Europa, viaxando con frecuencia a eventos e formacións en diferentes países. Como docentes ofertan clases regulares e obradoiros intensivos para nenos e nenas, adolescentes e adultos”.
A edil ribadense engadiu que “Elahood utiliza elementos de varias danzas urbanas, como o hip-hop, o waacking, o house ou o popping, combinándoas de diversas maneiras para crear así un vocabulario persoal que utilizan como medio para contar historias en movemento. As danzas urbanas, a pesar de nacer en lugares e momentos diferentes e basearse á vez en diferentes culturas e estilos de música, teñen en común que moitas xorden como resposta a unha situación social complicada ou de opresión, así que están moi acaídas neste momento. É grazas a isto que xorde un arte moi real que reflicte emocións humanas moi puras dunha forma moi directa. Mediante esta linguaxe Elahood conecta co público facendo un estilo de arte moi próximo e accesible”.
Otero Cabarcos convida “a toda a veciñanza a vir desfrutar deste espectáculo ao Auditorio Municipal o domingo, día 8 de novembro, ás cinco e media da tarde. Animádevos e vide apoiar a danza e a cultura en Ribadeo”.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
