Ribadeo, 17 de decembro de 2020. A Asociación de Comerciantes, Industriais, Servizos e Autónomos de Ribadeo reparte estes días 15.000 bolsas, 20.000 pegatinas e 100 bobinas de papel de regalo entre os comercios asociados que o solicitaron.
O presidente de Acisa, Francisco Iriarte, explicou que “se trata dun lote de materiais que se lles entrega aos socios, que o solicitaron previamente. É un material que reciben de forma gratuíta.Con elo pretendemos axudar a reducir os custes dos comercios derivados desta época, como son precisamente os materiais para facer regalos”.
O xerente da asociación ribadense, Jesús Pérez, dixo que “son 15.000 bolsas, nesta ocasión son dun único tamaño e seguindo as normas de sostibilidade e respecto polo medio ambiente, como non podía ser doutro xeito, son biodegradables. Ademais tamén se reparten 20.000 pegatinas, con motivos do Nadal para decorar os regalos e 100 bobinas de papel de agasallo, en dous tamaños, de 35 y 75 centímetros, tamén biodegradable”.
Iriarte Quintana subliñou: “queremos agradecer a colaboración da Xunta de Galicia que fai posible que un ano mais podamos entregarlles estes materiais aos noso socios e socias”.
Pola súa banda, Pérez Prada engadiu: “é importante se nos fixamos nas bolsas, destacar que é a primeira actuación que levamos adiante baixo a denominación Ribadeo no Camiño. Esta nova marca, creada por Acisa, estará vixente dende agora en todas aquelas actividades que desenvolvamos co fin de potenciar o paso do camiño de Santiago por Ribadeo e tamén a Ribadeo como punto de saída do mesmo. Destacar que esta nova marca é o nome do proxecto que de cara ao vindeiro ano aglutinará novas entregas de materias, renovación de elementos informativos así como, se as circunstancias o permiten, novas actuacións nas rúas, que dinamicen a vila”.
Spot publicitario
O presidente de Acisa anunciou que “Acisa Ribadeo presenta mañá pola tarde un novo spot publicitario, co fin de promocionar a nosa vila este Nadal. Este anuncio poderase ver na televisión e nas redes sociais e esperamos animar á xente da Mariña e aquelas persoas que non están limitadas polas normas de mobilidade a vir a Ribadeo a mercar e desfrutar do nadal, respectando todas as normas sanitarias en vigor en cada momento. Queremos agradecer tamén á Xunta de Galicia a súa colaboración nesta iniciativa”.
Acisa reparte novo material gratuíto entre os seus comercios asociados. Trátase de bolsas, pegatinas e papel de regalo coa marca Ribadeo no Camiño
Relacionado
-
Barreiros insta á Xunta a rectificar a exclusión dos campamentos municipais do Bono Concilia Familias 2026
-
O Grupo Socialista reclama ao Goberno de Viveiro a limpeza preventiva de sumidoiros, avances nas xestións con Portos de Galicia e unha actuación integral nos viais de Pallaregas–Vieiro
-
San Román de Vilaestrofe celebra as festas do Pilar e do Carme os días 11 e 12 de outubro
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.