Lugo, 26 de decembro de 2020. A subdelegada do Goberno, Isabel Rodríguez, informou hoxe de que son máis de 13.000 os traballadores lucenses que recibiron algún tipo de prestación social no último mes. As prestacións abonadas polo SEPE e a Seguridade Social chegaron no último mes a 10.847 lucenses asalariados e a 2.236 por conta propia.
As persoas en situación de ERTE en novembro na provincia eran 2.389, fronte ás 15.982 que chegou a haber no mes de abril, cando se rexistrou o máximo de traballadores acollidos a ERTEs desde o comezo da pandemia causada polo COVID-19.
O SEPE abonou en outubro 9,9 millóns de euros en prestacións sociais (ERTE, desemprego…) a 10.847 traballadores lucenses. A cuantía pagada por ERTEs na provincia nese mes foi de 1,1 millóns de euros. Desde abril, o gasto acumulado en prestacións sociais supuxo 107,2 millóns, dos que 37,5 corresponden a ERTEs. O importe total é máis do doble do pagado no mesmo período do ano pasado, cando fora de 56,6 millóns.
En canto aos traballadores por conta propia, desde o comezo da crise sanitaria e ata o 30 de setembro, 11.653 autómos recibiron algún tipo de prestación na provincia. A partir do 1 de outubro, cando entraron en vigor novas modalidades de prestacións para autónomos, compatibles coa actividade, 2.236 autónomos da provincia recibiron algún tipo de prestación da Seguridade Social por cese ou limitación temporal de actividade ou por baixos ingresos.
Outra prestación coa que se dá cobertura ás persoas prexudicadas pola crise sanitaria é o Ingreso Mínimo Vital. Este novo dereito xa chegou a 3.508 personas na provincia, das que 1.855 son adultas e as restantes 1.653 son menores de idade.
Ademais, o ICO mantén a súa liña de avais vinculada ao COVID-19, que ten unha dotación de 100.000 millones de euros e que aínda permanece aberta. Na provincia de Lugo, a 30 de novembro aprobáranse 6.923 operacións, o que supón un financiamento garantido de 512,2 millóns de euros para 4.584 empresas, en especial pemes e de autónomos.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).