Santiago, 23 de decembro de 2020. O deputado do Grupo Popular José Manuel Balseiro demandou no Pleno do Parlamento galego que o Goberno central estableza un protocolo de actuación específico para os casos nos que se dean casos positivos de Covid-19 entre a tripulación dos barcos que cheguen aos peiraos galegos, definindo claramente as competencias e funcións de Sanidade Exterior e do Instituto Social da Mariña. “Se existiu unha administración ausente na atención e coidado dos homes e mulleres do mar durante a pandemia foi o Goberno central, unha situación que contrasta co feito pola Xunta, que sempre cumpriu e atendeu todos os casos que se presentaron”, salientou.
José Manuel Balseiro lamentou que “Galicia leva máis de oito meses esperando polo protocolo do Estado dirixido a establecer como se debe actuar ante os posibles casos de enfermos de coronavirus a bordo dos buques”
Neste sentido, lembrou que a Xunta trasladou en múltiples ocasións ao Goberno central a necesidade de contar con este protocolo de actuación “e en todas as ocasións recibimos o silencio por resposta”. Por este motivo, criticou que os socialistas galegos “veñan agora pedindo o que están negando a Galicia desde as administracións nas que gobernan”.
ACTUACIÓNS DA XUNTA
O deputado popular salientou que “antes de que se producira un caso positivo nun tripulante embarcado, a Xunta tomou cartas neste asunto”. Así, recordou que o 15 de marzo, un día despois de entrar en vigor o Estado de Alarma, “o Goberno galego ditou as recomendacións de seguridade e hixiene para evitar contactos a bordo, un documento útil e valorado polo sector que serviu para ter unhas liñas a seguir, especialmente mentres non houbese outras indicacións emitidas pola administración competente na prestación e atención sanitaria a bordo dos barcos”.
Ademais, a Xunta emitiu unhas pautas de actuación nas lonxas para manter a actividade con garantías e contribuír ao subministro de produtos do mar, ao tempo que puxo a disposición do sector máis de 50.000 máscaras e incluso prestou material aos buques do Instituto Social da Mariña.
José Manuel Balseiro explicou que o Instituto Social da Mariña, que pertence ao Estado, “ten competencias plenas no relativo aos recoñecementos médicos previos ao embarque, pero a dirección política dun goberno socialista abandonou aos mariñeiros á súa sorte”.
“O Goberno central nunca quixo facer os deberes, pero a Xunta sempre cumpriu e dispuxo dos seus propios protocolos para atender a calquera persoa que padecera Covid-19, incluídos os aspectos da corentena para aqueles contactos estreitos ou para os propios afectados”, manifestou o deputado popular, quen asegurou que “non hai un só caso que non fose atendido polo Sergas, mentres outras administracións estiveron desaparecidas e ausentes”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
