Ribadeo, 11 de febreiro de 2021. Acisa Ribadeo ven de asinar un convenio coa Asociación de Pequenas Empresas de Galicia para desenvolver actividades de asesoramento e formación.
O xerente de Acisa, Jesús Pérez, manifesta que “ambas entidades traballaremos conxuntamente para a elaboración de propostas relativas a materias de interese xeral ou sectorial dos autónomos, dando como servizos información, formación, fomento da empregabilidade, implantación de sistemas de calidade e novas tecnoloxías, entre outros. A través deste convenio, os nosos asociados poderán participar en actividades de carácter formativo que se desenvolven desde a APE. Ademais poderemos ofrecer aos nosos socios a participación en campañas, seminarios, estudos e xornadas”.
Pérez Prada subliñou que “probablemente o servizo máis destacado e de maior importancia é dispoñer dun departamento xurídico de asesoramento, co fin de prestar asistencia técnica no ámbito xurídico e de calquera outro tipo que se poida precisar. Este convenio abre unha nova porta á presenza de Acisa no marco autonómico, podendo participar nos foros de debate e opinión, así como nas reivindicacións e ser actor directo na formación que afecta aos autónomos, ampliando deste xeito os nosos esforzos na defensa dos intereses da pequena empresa”.
Exención de taxas municipais
O presidente da Asociación de Comerciantes, Industriais, Servizos e Autónomos, Francisco Iriarte, agradeceu ao Concello de Ribadeo “que, tras a nosa petición realizada o pasado venres, esta mesma semana teña anunciada a exención de taxas aos locais afectados polos peches. E por iso animamos a todas as empresas afectadas a solicitalo. Esta medida, xunto coa exención das taxas de terrazas xa contemplada, é sen dúbida un alivio para a hostalería e que axudará a moitos negocios”.
Iriarte Quintana engadiu: “estou seguro de que, nos próximos días e semanas, Concello e Acisa seguiremos traballando xuntos nos diferentes asuntos que nos preocupan, tanto para os empresarios de Ribadeo como para a propia asociación, tal e como vimos facendo ata o de agora. A experiencia dinos que o traballo e o esforzo conxuntos entre ambas entidades dá como resultado grandes beneficios para a economía local”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
