A Pastoriza, 2 de marzo de 2021. A conselleira de Medio Ambiente, Territorio e Vivenda, Ángeles Vázquez, destacou esta mañá que a Xunta de Galicia incrementou nun 61,5% o orzamento destinado ás axudas para paliar os danos que provoca o lobo, co fin de compatibilizar a existencia desta especie coa gandaría extensiva.
Así o recordou durante unha visita realizada esta mañá a unha explotación na Pastoriza, onde recordou que os gandeiros que denuncian ditos ataques a través do 012 e -unha vez se constatan os danos- poden solicitar axudas e que para a presente convocatoria se establece un orzamento de case 650.000 euros para paliar os danos que provoca o lobo, fronte aos 400.000 destinados no ano anterior; polo que nos dous últimos anos se destinou máis 1 millón de euros en axudas para paliar os danos.
Salientou que estas non son as únicas subvencións que se convocan, pois os gandeiros tamén poden acceder a unha liña de incentivos para previr os danos, coas que se pode financiar a adquisición de cans protectores e defensores do gando, pastores eléctricos e cerrumes móbiles de malla electrificada. Así, nos últimos cinco anos, a Xunta reservou dez millóns de euros para previr e paliar os danos que provoca a fauna silvestre -lobo, xabaril e oso-.
A conselleira de Medio Ambiente destacou que deste xeito a Xunta cumpre co compromiso adquirido co sector agrogandeiro, tomando medidas para protexer o mundo rural, publicando as axudas de prevención e danos das especies cinexéticas, buscando un equilibrio entre a xestión da especie e a actividade agrogandeira, cunha gran relevancia e peso na economía de Galicia.
Nese sentido, denunciou que o futuro destas explotacións será máis incerto coa medida que está a impulsar o Ministerio para a Transición Ecolóxica, a inclusión do lobo no Listado de especies silvestres en réxime de protección especial (Lesrpe). Unha decisión á que a Xunta se opón porque non implicaría unha mellor xestión do lobo, pero si grandes consecuencias para esta actividade clave no eido rural, por ser fonte xeradora de alimentos e ferramenta na loita contra o despoboamento.
A conselleira explicou que o departamento que dirixe, en colaboración e coordinación coas outras tres rexións ao norte do río Douro, están facendo o posible para que o Ministerio recapacite e pondere as consecuencias da súa decisión.
Por iso, as catro comunidades acordaron formar un comité técnico-científico para coordinar as medidas de xestión do lobo ibérico e tamén trasladaron directamente á ministra Teresa Ribera unha solicitude para liderar a estratexia nacional para a conservación do lobo Ibérico, por dúas razóns de calado: son os goberno autonómicos os que contan cunha maior información e cos coñecementos necesarios para controlar de maneira adecuada a especie e, no caso de Galicia, Asturias, Cantabria e Castela e León, as que acumulan á maioría de exemplares que existen en España.
Asemade, tamén presentou alegacións á Orde Ministerial que se esta tramitando co fin de que o Goberno de España paralice o proceso e manteña o actual status legal das poboacións de lobo; unhas circunstancias e razóns que tamén se queren abordar nunha reunión extraordinaria da Conferencia Sectorial de Medio Ambiente, solicitude que foi traslada oficialmente o pasado 25 de febreiro e que polo momento non foi respondida por parte do Ministerio; co fin de reiterar o pronunciamento sobre a necesidade de paralización da inclusión do lobo no Lesrpe.
Por último, a conselleira recordou que en Galicia desde hai máis dunha década existe unha folla de ruta que protexe e garante o equilibrio entre a poboación do lobo e a actividade económica, o Plan de xestión. Unha ferramenta de xestión que mantén unha poboación estable e compatible coa existencia da gandería extensiva e coa viabilidade económica das explotacións agropecuarias, adoptando medidas preventivas e establecendo liñas de axudas para paliar os danos causados por esta especie. Lembrou que as accións de caza que se permiten son só unha ferramenta das que dispón a Xunta para xestionar no eido das súas competencias esta especie silvestre e destacou que hai anos que só se autorizan accións cinexéticas de forma excepcional, cun estudo previo e avalado polos técnicos da Consellería, e sempre tras constatar danos causados por lobos sobre a gandaría.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
