Burela, 12 de marzo, 2021. O Pescados Rubén Burela FS mereceu máis esta tarde na visita de Osasuna Magna (0-1), nunha cita na que houbo unha parte para cada equipo. Os laranxas, que na primeira parte pecaron de non ser un pouco máis agresivos fronte a un rival que moveu ben sen balón, souberon como recuperarse dando un paso adiante tras o descanso e conseguindo embotellar aos navarros na recta final, aínda que sen botín no marcador.
Viviu Vista Alegre a estrea de Sito Rivera no banco laranxa con alternativas no xogo, con moita igualdade sobre a pista. Fronte á incisiva ofensiva do Magna, con maior presenza e dominio na primeira parte, Pescados Rubén Burela respondeu saíndo ben á contra. A iniciativa local non puido chegar no 8, na máis perigosa ata o momento, cunha tentativa de David Pazos con Quintela que salvou Wanderson in extremis. Pouco despois Álex Diz tamén estivo a piques de sorprender a Asier. Nun partido de moita mobilidade, tras o gran perigo de Mancuso e Tony sobre o minuto 14, os laranxas dispuxeron de dúas de ouro para poñerse por diante, con Asier como muro, primeiro ante Pazos, de disparo cruzado, e acto seguido ante o mísil de Renato. Perdoaron os mariñáns e a tan só 4 segundos chegou o mazazo co 0-1 de Juninho pola escuadra.
Quixo reeditar o seu gran inicio Magna tras o descanso, pero os laranxas souberon dar un paso adiante. O pé de Asier evitou o empate o potente disparo de lonxe de Renato. Tan só un minuto despois, no 23, o meta verde volveu ser providencial para salvar aos visitantes, fronte a David Pazos. Pelexaron os de Sito Rivera polo gol, cunha recta final de moitos méritos. Mata, en consonancia con Iago, e Álex Diz puxeron o perigo no 36. Asier volveu impoñerse pouco despois fronte ao 5 mariñán. A falta de dous minutos para a bucina final, Mata saltou ao parqué para liderar o xogo de cinco. Renato dispuxo do maior perigo, aínda que o merecido empate non puido subir ao luminoso.
Martes 16, Santa Coloma
O Pescados Rubén Burela xa volverá aos adestramentos o domingo para poñer rumbo ese mesmo día ao destino da xornada 24, a pista de Industrias Santa Coloma. A cita do martes, ás 21.00 horas, abrirá unha semana de dobre esixencia, coa visita a Vista Alegre de Levante o sábado (18.30 horas).
Ficha técnica
Pescados Rubén Burela FS: Edu, Iago Míguez, Matamoros, Renato, Giasson; cinco inicial; tamén xogaron David Pazos, Quintela, Álex Diz, Javi Rodríguez, Pitero
CA Osasuna Magna: Asier, Tony, D. Zurdo, R. Martil, Linhares, cinco inicial; tamén xogaron Mancuso, César, Wanderson, Bynho, Juninho, Fabinho
Goles: 0-1, minuto 20, Juninho
Árbitros: Gallo Suárez // Hevia Campa. Por Burela amarela para Pitero (minuto 16), Renato (minuto 22). Por Magna amarela para Wanderson (minuto 22), Juninho (minuto 36).
Incidencias: Partido correspondente á xornada 23 de Primeira División Masculina disputado no pavillón Vista Alegre de Burela.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.