A Mariña 27 de marzo de 2021. Na mañá de hoxe o BNG avanzou en rolda de prensa no Dique Norte de Morás as iniciativas que van presentar nos vindeiros días en concellos, Deputación de Lugo, Parlamento de Galiza e Congreso dos Deputados demandando a creación da Autoridade Portuaria de San Cibrao, e a liberalización do dique norte do porto comercial de San Cibrao para a súa apertura ao tráfico comercial.
Son moitas as campañas que a formación nacionalista tén desenvolvido ao longo dos últimos anos a respecto desta infraestrutura de vital importancia para a comarca como é o dique norte e tamén a respecto da reivindicación da autoridade portuaria propia, campañas que foron sempre arroupadas tamén polo tecido socio-económico mariñao. E como proba disto, o Bng mariñao amosou a pancarta elaborada no ano 2008 e que foi a bandeira destas reivindicacións durante anos.
A Mariña perde cartos e investimentos ao non ter Autoridade Portuaria Propia
A responsable comarcal Ana Ermida fixo fincapé na discriminación negativa que sufre a comarca da Mariña nesta situación anómala de que sendo Lugo provincia marítima desde o ano 2002 non conte con autoridade portuaria e índose o recaudado polo Porto de San Cibrao para fóra da comarca e da provincia. “Non hai mais que ir ao documento dos Orzamentos Xerais do Estado 2021 para comprobar que no Anexo de Inversions Reais e programación plurianual anualizada as partidas destinadas ao ámbito portuario mariñao son 0€ ,agás algunha migalla en partidas xenéricas, mentras baixo o epígrafe “Ferrol-San Cibrao” as inversións que alí aparecen refírense só a Ferrol”, afirmou.
A apertura do dique norte ao tráfico comercial é viable
Daniel Castro, incidíu na importancia destas demandas que non só do Bng, senón de toda a sociedade e do tecido económico mariñao, especialmente coa liberalización do dique norte, agora infrautilizado e recordou que “o ente público Portos de Galicia realizou no ano 2010 un “Informe de viabilidade da apertura do Dique Norte San Cibrao-Morás ao tráfico comercial” no que se demostra a viabilidade operativa, construtiva, de tráficos e económica (30 M€), e donde a participación dunha autoridade portuaria propia tería tamén suma importancia”
A Deputación de Lugo debatirá a moción no pleno do vindeiro martes
Así o anunciou a deputada provincial Mónica Freire, que dixo que agardaba “a unanimidade de todos os grupos, tal como aconteceu en ocasións anteriores en que o Bng levou este tema á institución provincial” e sinalou ao Goberno do Estado como responsable desta situación anómala e perxudicial para A Mariña e para a provincia que se dá ao non desbloquearen desde Madrid nin o tema da autoridade portuaria nin o do dique norte, independentemente de quen goberne ou gobernase no Estado´.
Ademais de demandar a creación da Autoridade Portuaria de San Cibrao e a liberalización do dique norte, @s nacionalistas demandan tamén que “en tanto non se cree a autoridade portuaria de San Cibrao proceda a unha redistribución dos ingresos obtidos a través do porto de San Cibrao de xeito que estes ingresos revertan na costa de Lugo”.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.