Ribadeo, 8 de marzo de 2021. O Concello de Ribadeo está a realizar estes días obras de mellora no acceso á igrexa de Ove. O alcalde, Fernando Suárez, dixo que se trata dunha primeira actuación, previa ao importante inicio dos traballos que Deputación de Lugo e Concello acometerán na estrada dos Garitos.
O rexedor declarou que “nestes momentos desde o Concello de Ribadeo estamos facendo unha serie de obras de mellora na parroquia de Ove, concretamente nun punto de cruce de camiños onde as parroquias do interior veñen a el e onde tamén se configura como un acceso principal á parroquia de Ove, que é o acceso á igrexa”.
Suárez Barcia explicou que “estamos coas obras de mellora deste vial co aglomerado e, ao mesmo tempo, é a primeira dunha actuación neste entorno, moi importante, porque hai que ter en conta que en poucos días principiarán as obras dos Garitos, deste acceso e desta mellora integral que vai supoñer esta reconfiguración do vial paralelo á vía de Feve. Tivemos un apoio importante da Deputación Provincial de Lugo xunto co Concello de Ribadeo e da Xunta, a día de hoxe, non soubemos nada, despois de moito estarabouzo, despois de moito fala barato e moita lingua de trapo por parte do portavoz municipal do Partido Popular, que toda a forza se lle vai en falar e laretear, e nada máis”.
O alcalde ribadense subliñou que “con todo, estamos facendo estas obras de actuación que se complementarán despois coa mellora do vial da Deputación, do 5207, tal e como acordamos hai uns meses co presidente da Deputación, para mellorar a ampliación da ponte sobre a vía de Feve, para garantir a seguridade dos peóns e dos vehículos. En definitiva son varias actuacións nun mesmo punto que vai cambiar a configuración para ben desta rede de camiños municipais e provinciais, para que dentro duns meses o feito de circular por aquí dea a garantía e a seguridade, e que nos esquezamos xa dunha vez desta situación tan deteriorada deste entorno”.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
