Santiago de Compostela, 09 de marzo de 2021. A portavoz de Pesca do Grupo Socialista, Patricia Otero, fixo un chamado á lealdade do goberno galego para facer fronte ao brexit no que afecta á pesca galega. Así o dixo na comparecencia da conselleira de Pesca no Pleno do Parlamento de Galicia, no que lle afeou que cuestione o papel do Ministerio de Pesca vertendo “acusacións falsas”.
Otero sinalou que malia que o acordo “non é o desexado”, en cambio “é moito mellor que a expulsión da flota galega das augas británicas”, e lembrou que mesmo o ex conselleiro de Pesca do PP Enrique López Veiga “recoñecía que España non resultara excesivamente prexudicada neste acordo”.
Sinalou que este acordo exime de aranceis aos movementos de mercadorías, o que afecta tamén aos desembarcos de buques galegos no Reino Unido e viceversa. Neste sentido, explicou que o goberno central vén de incorporar aos portos de Burela e Celeiro á lista de localizacións nas que os barcos británicos poden descargar mercadoría.
Apuntou que os TACs e cotas de pesca acordados antes de que se asinara o acordo do brexit, concluíu cunha redución menor da prevista nos stocks das especies do Gran Sol, sinaladamente pescada, rapante e rape, mentres se manteñen sen modificacións a xarda, xurel e bacaladilla, propias do sur, e o ollomol e o alfonsino se mantiveron sen modificacións.
Acusou ao goberno galego de “colgarse medallas cando as cousas van ben pero ser os primeiros en abandonar o barco” cando hai dificultades. Esixiulles que “traballen todos xuntos” co goberno de España para garantir que os fondos de reconstrución europeos “cheguen da mellor forma posible para o noso sector” pesqueiro, que precisa de “novas fontes de financiamento” nas que a Xunta “ten moito que dicir”.
Lei de Costas
Otero criticou o “cinismo absoluto” do PP e do goberno galego, que “utilizan” a Lei de Cambio Climático para “meterlle medo ao sector”. Puntualizou que o texto “en ningún momento ataca á prórroga das concesións da ocupación de dominio público marítimo – terrestre, e puntualizou que “a única concesión que non foi prorrogada en Galicia foi retirada pola Xunta e non polo goberno central.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
