Lugo, 09 de marzo de 2021. Antes era unha sospeita fundada, agora está constatado: o que o goberno da Deputación chama plan de impulso da economía da provincia non é máis que propaganda política, puro fume. Os populares solicitaron no seu momento acceso e copia ao expediente íntegro do chamado plan impulsa, e a resposta é que se trata dunha acción política do goberno provincial no que se establecen liñas xerais e xa aclara que esas liñas de actuación non son parte dun expediente administrativo concreto. O viceportavoz popular José Antonio García cualifica de “gravísima” esta “tomadura de pelo aos sectores produtivos, ás pequenas empresas, aos hostaleiros, aos comerciantes e aos autónomos de toda a provincia nun momento sumamente delicado como é o actual. Sinala así que dese suposto plan non existe nin a folla de ruta, o único que realmente existe é a propaganda pagada polo bigoberno presidido polo socialista José Tomé.
José Antonio García declara: “No PP xa dixemos, en canto o goberno provincial presentou iso que chama plan de impulso da economía, que non había máis que fume e propaganda, que era un puro exercicio de marketing”. O mesmo viceportavoz popular di que as intencións do goberno presidido por Tomé “xa quedaron claras ao longo dos meses a medida que foi rexeitando as propostas do PP para deseñar e aplicar un plan fronte as consecuencias económicas da covid-19 e para a reactivación da economía”. Engade que “tampouco aceptou incrementar o Plan Único como se propuxo dende o PP e o orzamento para este ano, como dixemos unha e outra vez, é puro continuísmo; as grandes contas non responden ás necesidades da provincia”.
Os populares tiveron claro que o chamado por Tomé plan de impulso da economía era puro fume, pero agora non hai lugar á dúbida, segundo sinala José Antonio García: “O mesmo goberno di que non hai ningún expediente e polo tanto confírmase que só hai propaganda, como dixemos”.
O viceportavoz popular destaca: “É gravísimo que socialistas e nacionalistas se rían así dos sectores produtivos da provincia. Non hai novas partidas, son as partidas que xa tiña a Deputación ás que agora se lles cambian os nomes”. Tamén di: “A falta de sensibilidade da Deputación cos sectores produtivos é grave, pero a tomadura de pelo con propaganda pagada é algo gravísimo”. En resumo, “tal como pensabamos, non existe plan ningún; é unha operación de propaganda, á que lle poñen un nome e en realidade refírense a planes xa existentes como o de subvencións, Lugo Termal, o servizo de catamaráns, etcétera”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
