A Mariña, 17 de abril de 2020. A Plataforma en Defensa da Sanidade Pública da Mariña convoca unha concentración para o vindeiro mércores 21 de abril, sumándonos así ás que se desenvolverán por todo o país aglutinadas pola plataforma SOS Sanidade Pública, colectivo no que estamos integrados. Na Mariña terá lugar en Burela, diante da Praza do Concello ás oito da tarde.
Durante máis dun ano a preocupación máxima deste colectivo foi, desde unha actitude totalmente respectuosa e de lealdade absoluta coas medidas sanitarias para combatir a pandemia, a información á poboación, sen menoscabo da denuncia pública ante as agresións aos dereitos de asistencia sanitaria ás persoas. Máis cremos, e así consideramos a totalidade de plataformas e colectivos sanitarios do país, que chegou a hora de sair novamente á rúa a facer valer o dereito a recibir unha asistencia sanitaria digna , garantindo a asistencia presencial nos nosos centros de saúde, incrementando o persoal sanitario e administrativo e rematando coa precariedade e inestabilidade do persoal asistencial.
A perda de servizos na Mariña é consecuencia directa da supresión da Área Sanitaria
Desde que o goberno da Xunta suprimiu a nosa área sanitaria, o proceso de perda de servizos e o alonxamento da sanidade pública das persoas adquiriu unha velocidade vertixinosa, de xeito que hoxe ,a case totalidade de mariñaos e mariñás perciben uns servizos sanitarios menos cercanos, máis precarios e máis encamiñados á derivación cara a macrohospitais nas cidades.
Desde o colectivo sanitario inciden na necesidade de defender a devolución da área sanitaria como primeiro paso para recuperar a nosa autonomía orzamentaria e deixar de depender das “migaxas que nos quedan despois de que que a capital use todos os recursos que precisan. Non queremos as sobras, queremos unha dotación de recursos propia e adecuada ás necesidades deste territorio “- explica Montse Porteiro, coordinadora da Plataforma.
Déronse situacións críticas con certos servizos sanitarios, que quedaron prácticamente desertos
O colectivo tamén advirte que debemos loitar e saír á rúa para esixir que non se volvan repetir as situacións críticas que se derón hai uns meses, nas que especialidades como Reumatoloxía e Cardioloxía quedaron practicamente baleiras de profesionais, causando verdadeiros colapsos de asistencia e sumándose á xa deficiencia estrutural de profesionais que caracterizan ao hospital da Mariña.
Máis as nosas reivindicacións, a maioría delas históricamente demandadas por este colectivo,non secircunscriben a estes dous servizos prioritarios. Segundo nos comenta Víctor Vila , portavoz da Plataforma, “vimos sufrindo desde hai moitos anos o desleixo da administración con esta comarca e esta desidia reflíctese na percepción global de que temos menos e peores servizos, de que a nosa Atención Primaria está desmantelada, e de que cada vez é máis patente a derivación cara aos macrohospitais das capitais”.
A Plataforma Sanitaria considera que estas deficiencias sanitarias, orquestadas segundo un plan estratéxico do goberno da Xunta son motivo máis que suficiente para volver saír á rúa e é por iso que animamos á poboación a que acuda á concentración do vindeiro mércores 21 de abril, ás oito da tarde na Praza do Concello de Burela.
“A concentración foi debidamente comunicada ás autoridades competentes e desenvolverase nun entorno seguro, cumplindo todas as recomendacións sanitarias para a covid-19 e seguindo un protocolo de actuación”- conclúe Montse Porteiro.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.