Santiago de Compostela, 6 de abril de 2021. A directora xeral de Desenvolvemento Pesqueiro, Susana Rodríguez, destacou hoxe na Comisión 8ª de Pesca e Marisqueo do Parlamento galego o labor da Xunta e a súa participación en distintas iniciativas destinadas a loitar contra o lixo mariño. Unha delas é o Plan Marlimpo, unha iniciativa do Executivo galego ligada ao Fondo Europeo Marítimo e de Pesca que busca, entre outros aspectos, contribuír a reducir a cantidade de residuos existentes nas zonas costeiras e mellorar a concienciación e colaboración entre os actores marítimo-pesqueiros na loita contra o lixo mariño.
De feito, neste plan enmárcanse os proxectos colectivos para a protección e recuperación da biodiversidade e dos ecosistemas mariños mediante a recollida de residuos no mar financiados pola Consellería do Mar co FEMP. Así o explicou en resposta a unha pregunta sobre un informe do Parlamento Europeo en relación ao impacto do lixo mariño na pesca no que se recoñece ao Plan Marlimpo e ao o proxecto europeo CleanAtlantic, no que participa Galicia, como exemplos de boas prácticas na loita contra o lixo mariño. Este recoñecemento, valorou a directora xeral, “é un aliciente máis para seguir traballando e nesa liña imos estar”.
En relación ás achegas que forman parte do Plan Marlimpo, Susana Rodríguez explicou que a Consellería do Mar destina un orzamento de 980.000 euros á convocatoria deste ano, publicada a comezos de febreiro no Diario Oficial de Galicia. Estas subvencións teñen como posibles beneficiarios as confrarías de pescadores e demais entidades asociativas do sector, as organizacións non gobernamentais (ONG) xunto ás entidades do sector ou as ONG da man dos grupos de acción local do sector pesqueiro (GALP).
Estas axudas, que se convocan por segundo ano, permiten financiar entre 2021 e 2022 accións de recollida no mar de artes de pesca e residuos, a compra e instalación de equipamentos para a recollida e almacenaxe de lixo mariño, a creación de sistemas de recollida de residuos ou a comunicación, información e campañas de sensibilización así como a formación neste eido.
En canto ao proxecto europeo CleanAtlantic, coordinado pola Xunta a través do Centro Tecnolóxico do Mar (Cetmar), a directora xeral expuxo que ten como obxectivo mellorar as capacidades para previr, facer seguimento e reducir o lixo mariño na zona do Atlántico e aumentar a sensibilización entre os actores marítimos a través da cooperación rexional.
Neste sentido, a representante da Consellería do Mar sinalou que todo este traballo concorda co que busca o Parlamento Europeo e que pasa por apoiar o desenvolvemento da economía circular na pesca e na acuicultura e promover unha recollida eficaz do lixo mariño.
Outros proxectos nos que participou o Executivo galego e que destacou a directora xeral de Desenvolvemento Pesqueiro son ML Style, de valorización de lixos mariños e residuos inorgánicos para a industria téxtil, e Nada pola borda, que se desenvolveu hai dez anos e que contou coa colaboración do sector pesqueiro e portuario para a recollida e caracterización do lixo mariño.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
