Burela, 4 de abril, 2021. O Pescados Rubén Burela FS suma tres puntos de ouro nunha nova final, vencendo ao Parrulo FS (2-3), nun derbi galego que non defraudou, cun inicio irresistible dos mariñáns e unha garra incansable dos locais. O guión marcado para os laranxas cumpriuse cun arranque implacable, con vantaxe de 0-2 xa no minuto 2. Ampliaron os de Sito Rivera a renda tras o descanso fronte a un rival que non deixou de pelexar en ningún momento. Iago Rodríguez, co 2-3, foi o impulso dos ferroláns para crer na remontada, apostando polo porteiro xogador na recta final fronte á solidez defensiva dos mariñáns.
Os burelistas saltaron á pista para non especular en ataque. No minuto 2, conseguiron abrir o marcador por partida dobre, primeiro con Quintela, sentenciando ao segundo pau, un pase de Matamoros, e segundos despois con David Pazos, en xogada colectiva. O técnico dos parrulos quixo frear a avalancha dos de Sito Rivera solicitando tempo. Dous antigos burelistas, Iago Rodríguez e Hélder, protagonizaron as primeiras perigosas dos locais, no 6. Co paso dos minutos a posesión seguiu mantendo tinguiduras laranxas aínda que as ocasións diluíronse un pouco. Superado o ecuador do primeiro acto, no 13, Pazos volveu brillar en ofensiva; o de Ames a punto estivo de subir o terceiro na renda mariñá cun disparo cruzado que rozou o pau. Edu, no 16, desartellou coa cara unha das mellores chegadas dos ferroláns, nun roubo de Iago Rodríguez a Raúl. Renato ampliou a renda na continuación, pola escuadra, no minuto 25. Necesitábao O Parrulo para seguir no partido e pouco tardou Iago Rodríguez en atopar o revulsivo co 1-3; Adri buscou o segundo, que se foi rozando o traveseiro, no 27, e pouco despois o 10 ferrolán topouse co muro de Giasson. O Pescados Rubén quedou en inferioridade pola segunda amarela de Pazos e O Parrulo aproveitou para reducir a contenda, de novo con Iago Rodríguez, de falta directa (minuto 31). A punto estivo de ver o cuarto de novo Renato desde saque de esquina no 33, desartellaldo por Víctor; o meta volveu frear as intencións do 12 burelista no 35. Tocoulle a quenda ao de Narón baixo paus; Edu estivo moi oportuno para manter a renda laranxa fronte a Adri, no 35, e Isma, no 36. Saltou Miguel con xogo de cinco para pelexar por culminar a remontada fronte ao muro infranqueable da defensa mariñá, con Edu como baluarte.
Venres 16, próxima cita
O Pescados Rubén volverá á liga, coa xornada 27, o venres 16 na visita a Vista Alegre de ElPozo Murcia (19.30 horas).
Ficha técnica
O Parrulo FS: Víctor Espíndola, Adri, Diego Núñez, Miguel, Kevin Chis, cinco inicial; tamén xogaron Iago Rodríguez, Isma, Thalles, Morioka, Hélder, Noel Gómez, Raúl
Pescados Rubén Burela FS: Edu, Matamoros, Renato, David Pazos, Quintela, cinco inicial; tamén xogaron Iago Míguez, Pitero, Lucho, Giasson, Álex Diz, Javi Rodríguez
Goles: 0-1, minuto 2, Quintela; 0-2, minuto 2, David Pazos; 0-3, minuto 25, Renato; 1-3, minuto 26, Iago Rodríguez; 2-3, minuto 31, Iago Rodríguez
Árbitros: Carreira Romero // Martínez Torres. Por Ferrol amarela para Kevin Chis (minuto 9). Por Burela amarela para David Pazos (minuto 9 e 31), Pitero (minuto 30)
Incidencias: Partido correspondente á xornada 26 de Primeira División Masculina disputado na Malata.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.