Burela, 13 de abril de 2021. A Fundación Expomar acordou, na reunión do comité executivo celebrada onte, que este ano non haberá Feira Naútico Pesqueira en Burela debido a que non se da a seguridade suficiente para a súa celebración. A vindeira edición terá lugar en 2023. Neste 2021 si que haberá, os días 20 e 21 de maio, as Xornadas Técnicas e o Encontro Empresarial que, por segundo ano consecutivo, terán lugar de xeito telemático. Nos vindeiros días iranse pechando o programa e os poñentes.
O alcalde de Burela, Alfredo Llano, contou que “onte fixemos unha reunión ordinaria do comité executivo da Fundación Expomar, xa estaba acordado facela despois da Semana Santa. Basicamente estivemos estudando todo respecto ás Xornadas Técnicas e ao Encontro Empresarial que pretendemos facer os días 20 e 21 de maio”.
Llano subliñou que “decidimos este ano non facer a Feira Náutico Pesqueira Expomar, aínda que houbese máis ou menos oportunidade a partir do verán. Pensamos que agora mesmo xa non é fácil organizar todo, dado o estado de confusión non hai seguridade suficiente. Xa iremos preparando a edición do ano 2023 porque no 2022 respectamos, tamén os demais nos respectan, as feiras que se fan en Vigo e en Bilbao. Loxicamente neste espazo de tempo imos procurar estar sempre ao lado do sector náutico pesqueiro facendo aquelas cousas que son necesarias e oportunas para o sector”.
O rexedor burelés dixo que “estivemos mirando qué temas realmente preocupan ao sector. Agora mesmo o sector náutico pesqueiro está moi afectado por diversas circunstancias e hai moita preocupación. Polo tanto, estamos abertos aínda pero queremos abarcar o máximo posible aquelas problemáticas que preocupan e que indican como vai ser o futuro da pesca. Imos mirar se podemos enfocalo cos mellores poñentes e explicar que está acontecendo e vai acontecer no futuro con respecto á pesca. Xa nos puxemos a traballar para ver quen pode participar. Aínda non podemos dicir con seguridade ningún, moitos deles teñen intención, pero hai que confirmar. A semana que ven volvemos reunirnos para anunciar quen van ser os poñentes. Estamos mirando que sexan da administración central e da administración autonómica. Como sempre contamos coa Consellería de Pesca e co Ministerio de Pesca, se é posible. Ademais cos poñentes que pola súa responsabilidade tamén poidan aportar aquí en Burela”.
Alfredo Llano engadiu que “hai moita preocupación polo Brexit, a lei de pesca con todo aquilo que afecta como os motores, a biodiversidade, o combustible e toda aquela temática que son retos para o futuro. Este ano tamén faremos telematicamente o Encontro Empresarial e as Xornadas Técnicas, que van ser o 20 de maio, a partir das dez e media da mañá ata a unha e media e van estar abertas á participación do público. Pensamos que son interesantes, o ano pasado fixemos deste xeito e tivo unha repercusión moi positiva. O encontro empresarial tamén o faremos telematicamente”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
