Lugo, 3 de maio de 2021. A Vicepresidencia da Deputación de Lugo colabora, a través da área de Deportes, coa Asociación Motorista Lucense na organización da Ruta Castrexa, que se celebrará o 29 de maio.
A proba, que puntúa para a Copa de España de Mototurismo, conta cun percorrido de 450 quilómetros, con punto de saída e chegada en Lugo e cun itinerario que percorre distintas comarcas, seguindo o trazado de diferentes rutas xacobeas.
Ao longo do percorrido establécense dez puntos de selado e fotografía, lugares nos que as moteiras e moteiros terán que parar e selar os seus pasaportes de ruta para acreditar que completan a proba.
Os puntos de paso obrigado para as persoas participantes son o Museo Juan López Mella -na cidade de Lugo-,O Cebreiro, Sarria, Portomarín, Friol, o Castro de Viladonga -no concello de Castro Riberas de Lea-, Mondoñedo, Trabada, Os Baos -no concello da Ribeira de Piquín- e A Fonsagrada. Así, percorrerán treitos do Camiño Francés, do Camiño Norte e do Camiño Primitivo.
Na presentación da proba, esta mañá na Praza de San Marcos, o deputado de Deportes destacou as sinerxias entre deporte e turismo, especialmente en modalidades como o mototurismo que, unha disciplina en auxe que, con esta proba, ofrece aos afeccionados e afeccionadas a oportunidade de desfrutar do patrimonio natural e cultural das distintas comarcas, desde A Mariña ata Sarria, desde a perspectiva privilexiada que ofrecen as motos”.
Efrén Castro agradeceu “o esforzo feito pola Asociación Motorista Lucense por sacar adiante a proba, e conseguir a súa inclusión no calendario estatal, nun momento especialmente complicado para a organización destes eventos” e amosouse convencido de que “a experiencia será un bo puno dd partida para que a proba siga medrando de cara a outras edicións”.
No acto participaron Manuel Arias e Yolanda Vázquez, piloto e copiloto, membros da Asociación Motorista Lucense, que lideran as súas respectivas clasificacións tras a disputa das tres primeiras probas da Copa de España.
Arias animou a participar na Ruta Castrexa, incidindo na posibilidade de coñecer lugares afastados das estradas principais, como a parroquia dos Baos na Ribeira de Piquín ou o conxunto arqueolóxico de Viladonga. “A nosa experiencia nas probas disputadas ata agora, por distintos puntos de España, levounos a coñecer lugares e paisaxes aos que, doutra maneira, seguramente non chegariamos”.
A inscrición estará aberta ata o vindeiro 19 de maio, tanto para as persoas participantes na Copa de España, que terán que complementar o procedemento a través da web da Federación Española de Motociclismo (rfme.com) , como da páxina web da Asociación Motorista Lucense (motoristalucense.com).
A celebración desta proba supón devolver Lugo aos calendarios das probas estatais de motociclismo, un deporte que tivo importantes referentes na provincia como o de Juan López Mella, a quen se homenaxea coa inclusión do seu museo entre os puntos de selado da proba.
Percorrido
O punto de saída, ás 9.00 horas, será no Centro Comercial As Termas. As motos partirán cara a cidade de Lugo para visitar o museo de Juan López Mella, bicampión de España de Superbikes e mellor privado no Campionato do Mundo de 500cc, falecido en 1995 con 30 anos. De Lugo, dirixiranse ao Cebreiro para continuar ruta pola LU-633 pasando por Triacastela, Samos, Sarria, Paradela e Portomarín, seguindo o itinerario do Camiño Frances.
Desde Portomarín, os moteiros partirán cara Friol, onde se prevé a parada para xantar. Dirixiranse logo cara o Castro de Viladonga, punto de selado e visita recomendada pola organización ao conxunto arqueolóxico. Mondoñedo e Trabada serán os seguintes puntos de referencia no percorrido, que continuará cara a Ribeira de Piquín, concretamente, cara á igrexa dos Vaos. Os moteiros e moteiras terán que fotografarse no atrio antes de continuar percorrido cara a Fonsagrada. Volverán a Lugo pola LU-530, carretera por excelencia de motoristas.
Copa de España de Mototurismo
A Ruta Castrexa é unha das dez incluídas no calendario da Copa de España de Mototurismo 2021. Será a quinta proba en disputarse despois de celebrarse nos últimos meses a Ruta Sudoeste, en Huelva; a Ruta 999 entre Valencia, Castellón e Teruel, e Madrid Km.0, por estradas de Madrid e Segovia. A vindeira fin de semana disputarase a Ruta 7 Castells,en Valencia.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
