Foz, 13 de maio de 2021. O Concello de Foz destaca que é o municipio da Mariña con máis bandeiras azuis: cinco para praias e unha para a ruta que vai desde A Rapadoira ata a Areoura.
“Desde o Concello de Foz manifestamos a nosa satisfacción pola concesión de todas e cada unha das bandeiras azuis solicitadas. Unha vez máis somos o concello que máis bandeiras acumula na comarca. As praias de A Rapadoira, Llas, Peizás, Polas e Areoura, ás que se suma o sendeiro Ruta das Praias, que percorre todo o litoral do concello desde A Rapadoira ata Areoura, en Cangas de Foz, logran un galardón que é froito de anos de esforzo e compromiso do persoal municipal e da corporación na prestación de todos os servizos necesarios para beneficio dos veciños e visitantes e de cumprir con todas e cada unha das recomendacións que nos efectúan”, explica o concelleiro de Turismo, Chema Linares.
O alcalde, Fran Cajoto, engade que “desde o Concello de Foz estamos comprometidos en intensificar estes servizos, en mellorar a seguridade, accesibilidade e contorna das praias e coa súa limpeza e roza. Por primeira vez procedeuse á limpeza do areal da Rapadoira no mes de marzo, antes da época de cría da píllara, especie protexida que impide calquera actuación ata o mes de xullo. Recentemente efectuouse a limpeza dos bancos do Paseo de Colón e repuxéronse as mesas do merendeiro da praia da Rapadoira, que levaban anos en continuo deterioro”.
O concelleiro Chema Linares lembra que o ano pasado colocaron unha zona de sombra para as persoas con mobilidade reducida, repuxéronse os parasoles e os paneis informativos que estaban deteriorados; apunta que este ano repuxeron duchas e lava-pés nas praias de Llas e Polas, que non contaba con eles, e adianta que se procederá á colocación dunha pasarela temporal, a continuación da principal existente, que “permitirá o acceso á auga, con comodidade e seguridade, ás persoas con mobilidade reducida, coas que estamos seriamente comprometidos. Todas estas actuacións e outras que realizaremos en breve contribúen a unha mellor calidade dos servizos que prestamos aos veciños e visitantes”.
Ademais Linares destaca que “o ano pasado, no peor momento da pandemia, tívose que aumentar a limpeza das praias e establecer itinerarios peonís de sentido único para evitar, na medida do posible, os riscos de contaxio. É algo que debemos valorar para este verán, segundo a evolución da pandemia, aínda que en principio e cos datos actuais cabe a posibilidade de que non sexa necesario continuar con eles, polo que apelamos á responsabilidade de todos os nosos veciños e visitantes á hora de acceder e permanecer nas praias e ao cumprimento escrupuloso das medidas que ditan as autoridades sanitarias”.
Fran Cajoto manifesta a intención de levantar todas as bandeiras azuis logradas, “sobre todo a da nosa praia máis representativa: A Rapadoira. Pero todo dependerá do número de socorristas que podamos contratar e polo tanto necesitamos que a Xunta de Galicia se comprometa coa seguridade nas praias e non se limite a concedernos a contratación de seis socorristas, igual que o ano pasado. En tempos Foz contaba con ata 30 efectivos para o salvamento nos areais. Sendo esta a maior contratación de persoal eventual que realizamos os concellos costeiros sería bo que desde a Xunta de Galicia se facilitase a obtención da debida capacitación ás persoas interesadas en prestar o servizo de vixilancia nos areais”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
