Lugo, 14 de maio de 2021. A Secretaria Provincial e Deputada Autonómica, Patricia Otero, acusou hoxe ao deputado do PP, Jaime de Olano de facer unha xira por Lugo, “co fin de seguir as instrucións que lle marca Elena Candia, para boicotear as inversións do Goberno de Pedro Sánchez en Lugo. A este deputado ata o momento ausente na nosa provincia, pedímoslle menos bluffs, menos paseos polos platós de tv e máis traballo polo futuro da provincia”, dixo.
Patricia Otero advertiu que a roda de prensa do deputado popular “é un acto máis da estratexia que iniciou o PP para tratar de falsear a realidade dos investimentos do goberno socialista na cidade e na provincia de Lugo”.
A secretaria provincial lembra que Jaime de Olano “foi deputado nos case 80 meses de goberno de Mariano Rajoy, e durante esa etapa non houbo nin un só investimento en obras públicas na nosa provincia de Lugo. Daquela Jaime de Olano calou e consentiu, e non se lembrou para nada da provincia”, insistiu. Tamén aludiu a creación da Unidade da Policía en Ourense, “pero esquecéronse de Lugo e deixárona sen ela, que é a única provincia que non conta con ela”.
Otero dixo que o deputado do PP “veu a Lugo a mentir aos cidadáns para ocultar os máis de 500 millóns de euros que o goberno socialista inviste no tren Ourense-Lugo, a reanudación das obras da autovía A 54 que conectará a cidade con Santiago, o investimento do novo edificio do Instituto Nacional de Estatística (INE) que supuxo un montante de 2,4 millóns de euros, ou a creación dun novo xulgado do social.
Ademais doutras políticas que melloraron considerablemente a vida da nosa veciñanza como son a suba das pensións ou a creación de novas prestacións como o ingreso mínimo vital (IMV)”.
Así as cousas a dirixente socialista replica que “as mentiras de Olano e do PP non poden ocultar a única realidade, que non é outra que a dun goberno progresista comprometido con Lugo e os lucenses, e cuxo progreso se opón unha e outra vez co seu voto o PP no Congreso”.
A secretaria provincial afirma que “o que debería explicar a toda a provincia o Deputado do PP, é porque se opuxo a unhos orzamentos que multiplicaron o investimento público en toda a provincia, e que aumentaron as partidas sanitarias así como os recursos en atención á dependencia ou para aqueles que sofren situacións con graves carencias, ou mesmo resolver e abordar o problema de visibilidade no Fiouco”, argumentou.
Incumprimentos do PP
Por último Otero referiuse aos incumprimentos do Goberno do PP coa cidade de Lugo e coa provincia, e que hoxe seguen paralizados polo Goberno de Feijóo. “A VAC Costa Norte, Plan Paradai ou a rolda leste en Lugo, o desdobramento do corredor Nadela-Monforte de Lemos que se solventa con parches, ou os accesos ao Porto Seco que segue paralizado”, resumiu.
Resultou gañador na categoría A, destinada a participantes de até 14 anos, Daniel Franco Fernández. Na categoría B, para maiores de 14 anos, a obra seleccionada foi a presentada por Maite Fernández Cendoya.
O Parque María Cristina da Caridá volverá encherse de oficios, sabores, música e tradición esta fin de semana, días 4 e 5 de xullo.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
