Ribadeo, a 14 de maio de 2021. O voceiro do Grupo Municipal Popular de Ribadeo, Daniel Vega, sinala que “o BNG se quedou só votando en contra da creación dunha comisión de seguimento tanto da herdanza do doutor Moreda coma das obras de mellora do hospital asilo, que é o fin indicado polo médico ribadense finado en Barcelona no 2019. Co seu voto en contra, opóñense á transparencia sobre a herdanza que é de tódolos ribadense, sobre o proceso de arranxo do asilo e tamén rexeita traballar unidos como corporación de cara ao mellor desenvolvemento destas obras”.
O voceiro, Daniel Vega, sinala que “non é entendible que o propio BNG impulsara unha comisión en relación á construción da residencia de maiores de Ribadeo e que agora se negue a crear unha comisión para a mellora do asilo na que participemos todos, sen individualismos”. Por outra banda, o popular traslada o seu agradecemento ao grupo socialista por respaldar e votar a favor da proposta para a que o Grupo Municipal Popular tiña solicitado un pleno extraordinario.
O popular recorda que “a comisión estaría integrada por técnicos municipais -de servizos sociais, de valoración e xestión da herdanza e aqueles que traballen no proxecto do asilo-, representantes dos grupos políticos da corporación, das administracións implicadas no proxecto de reforma do asilo -todas aquelas que colaboren con orzamento- e da familia do doutor Moreda, se é preciso”.
Vega engade que “o Grupo Municipal non cesará o seu empeño en buscar financiamento para completar o orzamento preciso para o arranxo do noso hospital asilo”.
Facturas pendentes
O Grupo Municipal Popular xa advertira en pleno fai tempo da existencia de facturas pendentes de pago correspondentes ao ano 2019. “Naquel momento o BNG tildounos de mentirosos, pero non era tanta mentira porque agora tivo que aprobar nun pleno extraordinario unha cantidade orzamentaria para pagar esas facturas”, manifestou o voceiro, Daniel Vega.
O popular explica que “levan dende o 2019 sen cobrar distintos colectivos, asociacións deportivas e tamén moitos empresarios que fixeron traballos para o Concello e que deberían ter cobrado en tempo e forma”. O Grupo Municipal Popular votou a favor do pago das facturas pendentes por “responsabilidade” e porque, “en determinadas cuestións, debemos estar unidos”.
Dinamización da economía local
Tamén apoiaron os concelleiros populares dirixir 150.000 euros á campaña de dinamización do comercio local a través das Panchas. “Este tipo de iniciativas incentivan a economía local; pero seguimos botando en falta axudas directas aos negocios que viron mermados os seus ingresos debido á pandemia como teñen impulsado outros concellos coma Cervo, Viveiro ou Mondoñedo”, segundo manifestou Vega.
O popular destacou, neste sentido, a achega de máis de 329.000 euros de axudas directas da Xunta aos hostaleiros ribadenses tanto a través do primeiro plan de rescate coma a través do programa para a mellora das súas terrazas.
Vega asegura que “o Grupo Municipal Popular seguirá colaborando cos veciños e co tecido económico da vila porque Ribadeo é o único que nos move”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
