Vilalba, 30 de xuño de 2021. A deputada por Lugo no Parlamento galego, Carme Aira estivo en Vilalba visitando unha explotación vacún de carne en ecolóxico para comprobar a falta de iniciativa da Xunta de Galiza e o CRAEGA para a consolidación deste modelo de produción. A deputada estivo acompañada pola responsábel local da organización, Pilar Prieto.
Carme Aira sinalou que as produtoras e produtores que apostan por modelos sostibles e respetuosos co medio están a sofrer a falta de iniciativa por parte da Xunta de Galiza e o CRAEGA para poder continuar con este modelo produtivo “é inexplicábel como desde a Xunta de Galiza non se aplican ferramentas para garantir e perpeturar este modelo, por isto, desde o BNG presentaremos iniciativas para impulsar este modelo produtivo, o cal xera valor e riqueza no territorio”
Neste senso, o sector da carne en ecolóxico está a sofrer tamén unha baixada de prezos o cal non se reflicte no mercado ao público. Carme Aira fixo fincapé en que “precísase aplicar medidas para que a gandeira ou gandeiro reciba un prezo xusto ao que tamén beneficie ao consumidor, punto que destacaremos no Parlamento galego para garantir un prezo xusto” declarou.
Desde o BNG destacan o valor das mozas e mozos que apostan polo noso rural e a súa potencialidade, no que os proxectos en extensivo e ecolóxico son un modelo que garante a sostibilidade e o asentamento no territorio, e así, garantir un rural vivo e con futuro.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
