Lugo, 30 de xuño de 2021. A presidenta provincial, Elena Candia, e o senador José Manuel Barreiro, abordaron nunha reunión de traballo coa voceira da plataforma en Galicia Creer en Nosotros, Ángeles Salgueiro, o veto do PSOE no Senado á baixada do IVE ao sector das perruquerías. Concretamente, a emenda aprobada pola Cámara Alta para reducir do 21 ao 10% o tipo de imposto non chegará ao Congreso, xa que Pilar Llop, presidenta de dita Cámara, vetou a iniciativa.
Os populares lamentan “a imposición” dos socialistas e critican “a súa falta de talante democrático”. “O certo é que non nos sorprende”, afirman tendo en conta que, previamente á postura amosada no Senado, a ministra de Facenda xa explicara que exercería o seu dereito a veto, ao ser unha medida que afecta ás competencias do Executivo.
Tanto a presidenta como o senador lucense non dubidaron en trasladar o apoio da formación que representan a este colectivo, indicándolles que están dispostos a participar en todas as reivindicación que fagan. “O PSOE estaos abandonando de forma descarada e iso non o podemos permitir”, salientan.
“Xiro inxustificado”
Os populares denuncian “o xiro inxustificado” dos socialistas, xa que se aprobara a baixada de 11 puntos, Facenda deixaría de ingresar 400 millóns de euros polo imposto en cuestión, pero traduciríase nun impacto económico moito maior porque estas empresas verían aumentada a súa actividade, o que supón, engaden, “máis traballadores cotizando, menos desemprego e menos Ertes”.
O sector das perruquerías facturou en 2019 4.000 millóns de euros, o 0,36% do PIB. A cifra reduciuse un 40% en 2020 e, debido a elo, un 50% das 20.000 empresas que existen en toda España atravesan momentos críticos. Con este escenario, e logo do veto do Partido Socialistas, a recuperación económica para este colectivo será moito máis complicada.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
