Madrid, 10 de xuño de 2021. O deputado do BNG no Congreso, Néstor Rego, rexistra iniciativas para que o Ministerio de Transportes, Mobilidade e Axenda Urbana acometa as obras de construción do vial paralelo para o acceso ao porto de Mirasol en Ribadeo. A formación nacionalista cualifica como necesaria a actuación para dar entrada e saída ao fluxo de tráfico que circula pola actual vía de circunvalación e evitar que penetren o trazado urbano e reclama o compromiso do Goberno do Estado para a reposición do cruzamento do Camiño Norte de Santiago de Compostela.
Néstor Rego mantivo unha reunión coa equipa municipal do Concello de Ribadeo en que lle trasladaron a necesidade de que se retomen as xestións necesarias para a construción do vial paralelo para o acceso directo ao porto de Mirasol. Co gallo de solucionar os problemas de tráfico pesado que entra no núcleo de Ribadeo, hai anos foi tramitado un proxecto de obras complementarias para levar a cabo este vial que conectaría o tráfico da estrada da Deputación de Lugo e a glorieta da N-642.
Mais esta actuación quedou suspendida en 2008 por recibiren un informe desfavorábel da Dirección Xeral de Patrimonio da Xunta de Galiza por considerar que o proxecto afectaba o trazado do Camiño Norte a Santiago de Compostela. A paralización acabou sendo indefinida a pesar de que o Ministerio, por aquel tempo, remitiu unha proposta de solución á afección do Camiño de Santiago. Un proxecto que contaba xa cunha partida orzamentaria específica e coas expropiacións feitas- retornadas logo aos seus propietarios- parece terse dado por fechado definitivamente polo Goberno do Estado.
“Nin a corporación local nin a veciñanza de Ribadeo entenden esta decisión que foi adoptada no seu momento sen realizar tan sequera unha comunicación do Ministerio ao Concello” subliña Rego. Anos despois, o Concello volveu dirixirse ao Goberno do Estado interesándose polo estado das actuacións e recibiron como resposta a confirmación de que non se realizara avance algún nin había intención de facelo.
En opinión do deputado nacionalista, “é urxente que o Ministerio retome o proxecto e acometa as obras para a construción desta importante vía de comunicación que sirva de entrada e saída aos fluxos de tráfico que circulan pola actual circunvalación”. Retomar o proxecto significaría “evitar a súa entrada no trazado urbano e especialmente cando estamos a falar de transporte pesado, agrícola ou forestal”.
Así mesmo, Rego urxe ao Ministerio de Transportes, Mobilidade e Axenda Urbana a solicitar novamente a autorización da Dirección Xeral de Patrimonio da Xunta de Galiza con quen debe negociarse unha solución construtiva que salve os posíbeis reparos, destacando que existía xa un compromiso de “reposición do cruzamento do Camiño Norte de Santiago de Compostela, necesítase agora vontade política para chegar a un entendemento entre as dúas Administracións que poña por diante o servizo aos cidadáns e cidadás de Ribadeo”.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
