Lugo, 29 de xuño de 2021. O Centro de Recría da Deputación de Lugo, pioneiro en España polo seu carácter público, aforroulle aos gandeiros e gandeiras da provincia medio millón de euros no ano 2020, con respecto aos custes dos centros privados. Un dato que deu a coñecer o Deputado de Recursos Sostibles, Roberto Fernández Rico, no Pleno ordinario do mes de xuño celebrado este martes, onde se aprobou unha actualización das tarifas deste centro.
Fernández Rico detallou que coa actualización aprobada hoxe as tarifas pasan de 2,39€ a 2,55€ animal e día, 16 céntimos máis. A revisión, argumentou, está fundamentada nunha motivación obxectiva e debidamente xustificada, que se centra en dous factores. Por un lado, a subida dos custos de alimentación dos animais, “a parte máis destacable, debido á tendencia á alza dos prezos nos últimos meses. Hai que ter en conta que, segundo se acredita, os custes de alimentación aumentaron en máis dun 25% en moitos dos produtos consumidos polos animais e que a alimentación supón o 50% do gasto total da anualidade 2020, unha cifra maior canto maior ocupación teña o centro. Neste momento máis de 2.000 novillas, o que representa o 85% da capacidade do Centro”, explicou o Deputado. O outro factor é o custe do persoal -salarios e Seguridade Social-, “que se ve incrementado polos cambios na normativa dende que se asinou o contrato no ano 2017”, sobre todo debido á subida do Salario Mínimo Interprofesional.
A revisión do prezo do Centro de Recría “está xustificada tecnicamente, e é razoable, tendo en conta que supón un incremento do 6,69%”, cando, como apuntou o Deputado, “os custos de alimentación subiron máis dun 25% en moitos dos produtos consumidos polos animais”.
Roberto Fernández Rico, quen precisou que de producirse unha baixada dos custes da alimentación dos animais volverase a revisar á baixa a tarifa, subliñou que o Centro de Recría Público da Deputación de Lugo “mantén tarifas altamente competitivas con respecto a centros privados, que teñen prezos medios de 3€ animal/día incluíndo o transporte, ademais das múltiples vantaxes en termos de calidade e benestar que ofrece ós gandeiros e gandeiras da nosa provincia”.
“Respondemos á súa demanda dándolles este servizo preto da casa, onde poden levar un control directo de todas as fases do proceso, e non como facían antes da apertura do Centro de Recría provincial, que tiñan que enviar os seus animais a outros centros a máis de 700 quilómetros de distancia onde non vían como era a recría e pagaban altos custes engadidos polo desprazamento”, asegurou o Deputado.
O Centro de Recría Gayoso Castro inclúe o transporte incluído para retirar e entregar de novo os animais e coa seguridade que marcan os protocolos de actuación nunhas instalacións que velan polo coidado, o benestar animal e a seguridade alimentaria.
Un servizo público
“Este servizos público é útil e vantaxoso para o noso sector primario, prestando un servizo necesario, cubríndolle unha necesidade coma esta con redución de custes para que as explotacións sexan máis eficientes e competitivas”, recalcou o Deputado de Recursos Sostibles no Pleno. “Os propios gandeiros que teñen os seus animais nestas instalacións entenden a actualización das tarifas porque seguimos sendo mantendo a diferenza cos centros privados”, afirmou.
O Deputado de Recursos Sostibles incidiu no “funcionamento modélico do Centro de Recría Público da Deputación de Lugo. Presta un servizo indispensable para as explotacións gandeiras desta provincia e o seu correcto funcionamento déixase notar no benestar dos animais, nun estrito control sanitario, no control reprodutivo e xenético dos mesmos e en conclusión, nunha mellora da competitividade e da calidade produtiva das explotacións lácteas da provincia”.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
