Ribadeo, 8 de xuño de 2021. O Concello de Ribadeo colaborou na xornada organizada pola Área de Medio Rural, Mar e Mocidade da Deputación de Lugo, coincidindo co Día Mundial dos Océanos, que se celebra hoxe. Na actividade, enmarcada na campaña Coida os mares, coida a vida, participaron preto dun cento de alumnas e alumnos dos colexios Gregorio Sanz e Sagrado Corazón de Ribadeo, que realizaron tarefas de limpeza nas praias dos Bloques, Illas-Castros e no Camiño das Aceas.
A deputada provincial responsable de Medio Rural, Mar e Mocidade, Monica Freire, declarou que “hoxe, coincidindo co Día Mundial dos Océanos, que se celebra este 8 de xuño desde a Área de Medio Rural, Mar e Mocidade da Deputación desenvolvemos, en colaboración con Adega e co Concello de Ribadeo, a campaña de sensibilización Coida os mares, coida a vida, que pretende poñer en valor o respecto pola biodiversidade animal e vexetal da Mariña para poder conservar e utilizar de xeito sostible os recursos mariños”.
Mónica Freire sinalou que “esta iniciativa chegou a un total de 90 pícaros e pícaras dos dous colexios de primaria de Ribadeo, o Gregorio Sanz e tamén o Sagrado Corazón de Jesús, que realizaron saídas para limpar as praias dos Bloques e o Camiño das Aceas, e as praias de Illas-Castros, respectivamente”.
A responsable provincial de Medio Rural, Mar e Mocidade salientou que “con esta campaña pretendemos dar visibilidade á problemática do lixo mariño e, sobre todo, concienciar ás crianzas da importancia dunha axeitada xestión dos nosos recursos e do noso consumo. Entendemos que a sensibilización ambiental é chave para a realización destas xornadas, podendo observar de primeira man a cantidade de lixo que agochan as nosas praias. Debemos ser capaces, polo tanto, de conservar e de empregar de xeito sostible os océanos, os mares e os recursos mariños”.
Mónica Freire engadiu que “con este tipo de actividades de educación ambiental pretendemos concienciar a estes nenos e a estas nenas sobre as graves consecuencias que os residuos vertidos ao mar teñen, especialmente os microplásticos, que tan mal afectan aos ecosistemas mariños. Tamén buscamos chamar a atención sobre a insostibilidade dos modelos de consumo, as malas estratexias de xestión dos residuos e sobre todo da falta de sensibilización ambiental da poboación en xeral”.
Xunto ao alumnado participante estiveron ademais de Mónica Freire, o alcalde, Fernando Suárez, o concelleiro de Medio Ambiente, Jorge Díaz, e o técnico de Medio Ambiente do Concello de Ribadeo, Xaime Pérez.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
