Foz, 20 de xullo de 2021. O Concello de Foz ultima os trámites para o inicio das obras de reforma do Bar dos Xubilados, a construción dun novo espazo para as persoas discapacitadas e o acondicionamento e mellora da planta administrativa de asuntos sociais. Estas actuacións estarán listas neste ano 2021.
O alcalde, Fran Cajoto, explica que “o paso previo para o acondicionamento do Bar dos Xubilados sempre foi ofrecer unha ubicación alternativa á Asociación de Discapacitados Virxe do Carme e iso foi o que fixemos. Unha vez rematados os trámites con Portos de Galicia e asinadas as condicións esixidas para a ampliación da aula de seguridade vial -situada no peirao de Foz- a comezos deste mes, só resta a aprobación do proxecto construtivo e a licitación da obra, que se fará nas próximas semanas. Proxéctase a ampliación do edificio actual cunha planta baixa anexa de algo máis de 87 metros cadrados, que compartirá aseos coa edificación actual, de forma que poidamos optimizar recursos e aforrar gastos de mantemento. É neste espazo onde a Asociación de Discapacitados Virxe do Carme poderá continuar a gran labor de inclusión que está a facer de persoas con minusvalía do noso concello, que doutra forma non terían esa oportunidade. Un espazo axeitado, con novo mobiliario e que se axeita ás necesidades dun colectivo que debemos coidar ao máximo. Dixemos alto e claro que non os iamos a deixar na estacada e cumprimos o que prometemos”.
Destínanse 58.834 euros para esta edificación, con financiamento propio con cargo aos orzamentos do ano 2020.
A concelleira de Asuntos Sociais, Ana Rojo, anuncia que na próxima licitación tamén se incluirá a reforma das dependencias administrativas de Asuntos Sociais, por importe de 18.000 euros. “Desta forma gañaremos espazo para os técnicos, para o arquivo de documentación e para garantir a confidencialidade e a comodidade dos usuarios do servizo. Non é fácil en ocasións acudir a un servizo de axuda e debemos tratar de que sexa un trámite cómodo. O noso interese está nas persoas, na xestión próxima e personalizada: móvenos o interese de todos e cada un das veciñas e veciños do noso pobo”, destaca a edil.
Ademais Fran Cajoto engade: “continuamos traballando con seriedade e honestidade fóra de toda polémica. A ninguén lle gustan as difamacións falsas con carteis e pasquíns, de clara motivación política, pero o que nos move é o interese de todos os xubilados e seguimos traballando tódolos días polos nosos maiores”. Ao respecto o alcalde indica que “na próxima licitación irá incluída a reforma do Bar dos Xubilados por importe de 43.185 euros (IVE incluído), tamén con cargo aos orzamentos do ano 2020. Esta reforma adaptará os aseos a persoas con mobilidade reducida, creará un acceso independente do edificio de Asuntos Sociais e xerará unha terraza sobre o peirao, nunha das mellores zonas de Foz. Será un bar público, concesionado polo Concello de Foz, para que todos os nosos maiores o podan desfrutar”.
O rexedor municipal remata comentado que “hai uns días dous usuarios da residencia de maiores de Foz acudiron en dúas ocasións ao Concello soamente para agradecer persoalmente a construción da nova rampla de acceso ao centro, obra que lles solucionou un gran problema de accesibilidade. Quedo con ese agradecemento e coa enorme satisfacción que supón facerlle máis sinxela a vida diaria a un veciño”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
