Burela, a 26 de xullo de 2021.- Os membros do Grupo Municipal Popular de Burela consideran que “o Sr. Llano foi cómplice, durante todo este último ano, do que el mesmo denomina problema medioambiental, de salubridade e de risco de incendio do que agora culpa aos propietarios e propietarias das fincas da nosa vila” e polo que, esta semana pasada, anunciou que o Concello se está a facer responsable subsidiario da limpeza desas fincas que non foron rozadas.
O voceiro popular, Manuel Rouco, explica que “dende o noso Grupo se lle advertiu en numerosas ocasións -a través dos medios de comunicación e tamén nos plenos, como se pode comprobar nas súas actas- que o Concello debía colaborar cos propietarios das fincas de Burela, actuando de forma subsidiaria, tal e como o establece a lei, para facerse cargo da limpeza daquelas fincas que non cumprían cos debidos requisitos de ornato e limpeza”.
Rouco sinala que “durante todo este tempo fixo caso omiso, en todas e cada unha das numerosas ocasións en que se lle advertiu esta situación, polo que nos parece francamente hipócrita a actitude do rexedor municipal ao esixirlle á veciñanza de Burela que cumpra coa lei cando el non está a dar exemplo diso mesmo. Consideramos, polo tanto, que debería de ser un pouco máis comedido á hora de sinalar tan descaradamente aos veciños e veciñas de Burela xa que el foi corresponsable desta situación, que agora considera tan alarmante”, e insisten, “cando a pesares de tódalas numerosas advertencias que lle fixemos ao respecto, o único que fixo foi mirar para outro lado”.
Vertidos pestilentes efectuados en pleno verán na praia da Marosa ante o asombro de veciños e turistas
Os populares comproban con incredulidade, por outra banda, como “o Sr. Llano atopa día a día novas formas de poñer en risco o presente e o futuro da nosa vila, nesta ocasión no referente ao turismo, cunha canalización que desemboca na propia praia da Marosa e que ante o asombro dos propios veciños e os turistas que alí se atopaban, se puxo a verter auga á propia praia que na actualidade conta cunha bandeira azul. Segundo se nos indicou, o cheiro da auga que de alí saía era pestilente”, remarcan.
“Non acabamos de entender por qué o Sr. Llano se empeña en darlle a razón aos promotores da bandeira negra para Burela, pois con este tipo de situacións, iso parece que é o que pretende”, segundo condenan dende o Grupo do PP.
“Dende o Grupo Municipal Popular entendemos que esa canalización conta con tódolos permisos de Costas e que, con total seguridade, está preparada para aliviar augas pluviais. O que non pode ser é que se efectuara a contratación da recollida do lixo e limpeza viaria máis cara da historia do Concello de Burela, a cal ten como misión, entre outras, manter limpos os sumidoiros da nosa vila, e que se deixara sen limpar o que evacúa cara a un dos emblemas de Burela, a praia da Marosa”.
Os populares diríxense ao alcalde dicindo que “é precisamente para este tipo de toma de decisións tan simples polo que vostede, Sr. Llano, cobra de tódolos veciños da nosa vila un dos maiores soldos de toda A Mariña como alcalde” e convídano a “facerse merecedor del”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
