Burela, 26 de xullo, 2021. Sandra Buzón cumprirá a súa segunda tempada no Pescados Rubén Burela FS. A meta santanderina, de 24 anos, convértese na primeira renovación das campioas de Supercopa, Copa e Liga sumándose a Leti, Ale de Paz, Jenny Santos e Cilene, con contrato en vigor, e coa chegada das internacionais Irene Samper e Elenita.
“Foi unha tempada perfecta; grupalmente cumprimos todos os obxectivos e persoalmente foi un gran ano de adaptación, para formar parte dun gran bloque e de estar ao máximo nivel para competir coa miña compañeira de portería”, facía así balance a Guerreira, que volverá defender o 4 laranxa con ganas de traballo e de ter cada vez máis presenza tras o seu excelente primeiro ano na Mariña: “O Pescados Rubén Burela volverá ter un equipazo para optar e pelexar por todo. Espero seguir medrando, aprendendo e poder disputar cada vez máis minutos”.
A cántabra tamén falou das súas primeiras impresións sobre o calendario, que arrincará o 18 de setembro en Vista Alegre: “A priori os retos máis desafiantes preséntanse na primeira e última xornadas, con Melilla e Futsi, e iso fará a liga máis emocionante. Teño moitas ganas de disputar os novos formatos competitivos que se presentan en Supercopa ou play off e confío en que poidamos ir sentindo aos poucos a calor do público que nos faltou a tempada pasada debido ao Covid” explicaba Sandra.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
