Ribadeo, 26 de xullo de 2021. O alcalde, Fernando Suárez, fixo unha chamada á responsabilidade individual para minimizar os contaxios por covid. Hoxe son 89 os positivos notificados polas autoridades sanitarias, que veñen de confirmarlle ao rexedor que só o 50% dos citados para o cribado do pasado venres acudiron a esa cita, que arroxou 14 positivos. Barcia agarda que ao longo desta semana, se non se actúa mal, “poidamos chegar ao pico da curva de contaxios e incluso empezar a baixar”.
O rexedor dixo que “empezamos esta semana co corazón nun puño sobre a situación epidemiolóxica por covid na Mariña e Ribadeo. Os datos que facilitan as autoridades sanitarias seguen sendo malos, pois hoxe notifican un total de 89 casos. Seguimos medrando aínda que, todo hai que dicilo, xa o estamos a facer a menor ritmo, co que é previsible que cheguemos ao pico deste gromo en moi pouco tempo”.
Suárez Barcia considera que “de feito, parte desta suba, foi consecuencia do cribado que se fixo este venres pasado, que segundo a información que nos pasan as autoridades sanitarias, acudiu un 50% das persoas dese segmento de idade de entre 18 e 29 anos e houbo 14 casos positivos. Isto permitirá controlar mellor a situación para que non se descontrole. Confiamos que ao longo desta semana, se non se actúa mal, poidamos chegar ao pico da curva de contaxios e incluso empezar a baixar. Pero iso é tarefa de todos. A estas alturas, xa non quero ser un raiante dando a matraca dicindo que todos temos que cumprir as normas, etc”.
O alcalde sinalou que “desde o Concello tentamos facelo e mandalo facer cos recursos que temos dispoñibles: co control dos aforos, coas normativas de terrazas, etc. E debo sinalar que a inmensa maioría o intenta facer ben. Estamos traballando nestes momentos para que sexan todos, e non só a inmensa maioría. Tamén vemos que a inmensa maioría da cidadanía se comporta como debe no uso da máscara en exteriores cando non se pode garantir a distancia de seguridade. E tamén coa axuda da Policía Local e da Garda Civil facemos o que podemos para sexan todos, e non a grande maioría”.
Fernando Suárez engadiu: “pero non nos enganemos. Isto non pode ser un estado policial. Por moito que se faga e se regule, se non hai responsabilidade individual pouco avanzaremos. Eu confío que si a haxa e que nas vindeiras horas poidamos empezar a baixar e saír desta situación de perigo alta na que estamos metidos e que tanto dano está a facer á nosa hostalaría e ao noso sector servizos”.
O rexedor pediu: “responsabilidade para saír desta situación, por favor”.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
