A Xunta destinou en total 45 M€ á posta en marcha de 4 plantas de biorresiduos e 13 de transferencia e apoio co fin de que os concellos adheridos a Sogama (304) conten cunha infraestrutura para a compostaxe a menos de 50 quilómetros de distancia
Santiago de Compostela, 13 de agosto de 2026. A Xunta de Galicia, a través da empresa pública Sogama, vén de adxudicar por un importe de 3.436.684 euros (IVE incluído), o servizo para a xestión integral das plantas de biorresiduos de Cervo, na provincia de Lugo, Verín, en Ourense, e Vilanova de Arousa, en Pontevedra, cuxo labor é transformar en compost a materia orgánica recibida nas mesmas e procedente dos contedores marróns de recollida selectiva instalados nos concellos.
O contrato estará en vigor durante un período de tres anos e inclúe a operación, o mantemento e a limpeza das instalacións, debendo encargarse a adxudicataria, ademais, de distribuír e comercializar o abono resultante do tratamento.
As plantas públicas de biorresiduos obxecto do contrato aglutinan as distintas fases do proceso de compostaxe dos residuos orgánicos: desde o pretratamento e a fermentación ata a maduración e o almacenamento, así coma os correspondentes tratamentos de aire e de augas. Un proceso no que se fai uso en todo momento das últimas tecnoloxías dispoñibles, tanto de procesado como de control de cheiros e ruído. Sogama garante así unha actividade industrial respectuosa co medio ambiente e o benestar da cidadanía.
Ademais, unha parte das instalacións é autosuficiente desde o punto de vista enerxético ao dispoñer de paneis solares fotovoltaicos, diminuíndo desta forma a dependencia de combustibles fósiles e contribuíndo á loita contra o cambio climático mediante a aposta polas enerxías renovables.
Cómpre lembrar que a Xunta de Galicia impulsou no seu momento unha rede galega de infraestruturas para a compostaxe da materia orgánica co obxectivo de axudar aos concellos a cumprir a lei, xa que, a partir do 1 de xaneiro de 2024, quedaban obrigados a implantar a recollida diferenciada desta fracción.
Esta rede, á que se destinou un investimento global de 45 millóns de euros –cofinanciados con 30 M€ de Fondos Europeos– está conformada por 4 plantas de biorresiduos, unha por provincia (Cervo, Verín, Vilanova de Arousa e tamén a de Cerceda), e 13 de transferencia e apoio (6 delas de nova construción e 7 sometidas a remodelación) dotadas dunha tolva específica para o transvasamento do residuo orgánico, cun alto contido en humidade.
En aplicación do principio de proximidade, o fin último era que a práctica totalidade dos concellos adheridos a Sogama (que son, a día de hoxe, 304) conten cunha planta de biorresiduos ou de transferencia a menos de 50 quilómetros de distancia, propiciando tamén con isto unha redución das emisións de CO2 á atmosfera derivadas do transporte.
Adxudicado o servizo de control de pesaxe
Así mesmo, Sogama adxudicou recentemente o servizo de control de pesaxe e mantemento de básculas no Complexo Medioambiental de Cerceda. Cun importe de execución de 1.957.296 euros (IVE incluído) para un período de 4 anos, este servizo resulta fundamental para rexistrar as cantidades de residuos que entran nas instalacións cercedenses e a procedencia dos mesmos, así como dos materiais que saen con destino aos centros recicladores.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
