Burela, 23 de agosto, 2021. O Pescados Rubén Burela FS de Alberto Riquer estreou hoxe a pretempada. O novo proxecto laranxa 2021-22 terá por diante 7 semanas, con 6 amigables no horizonte, para chegar nas mellores condicións ao inicio de liga de Primeira Masculina, previsto para o 9 de outubro, coa visita a Vista Alegre de Fútbol Emotion Zaragoza.
O primeiro test sobre a pista será xa este sábado, fronte ao asturiano Rodiles FS Sport, no Memorial Pablo Cortina-Jose Huerta de Villaviciosa. A axenda do mes de setembro abrirase en Lugo ante o Ribeira FS; tras o derbi mariñán co Xove FS (8 de setembro) en Vista Alegre e o enfrontamento co Esteo FS (11 de setembro), o Pescados Rubén pechará os amigables con Osasuna Magna (30 de setembro) e Aspil Jumpers Ribera Navarra (2 de outubro).
Riquer disporá de 17 xogadores neste período de preparación. Xunto ás Xoias Laranxas Iago Míguez, Renato, Pitero, Nito, Bruno e Renatinho, contará cos tamén galegos Edu, Lucho, Quintela, David Pazos, Álex Diz, Isma e Porto, co internacional polaco M. Kaluza e a chegada dos brasileiros Wanderson, Rikelme e Levi. No apartado técnico-médico, o novo adestrador mariñán estará arroupado por un bloque que leva anos traballando na estrutura laranxa: o preparador físico Alfonso Mera, o fisioterapeuta Tulio García, o adestrador de portería Míchel Couceiro, o delegado Casiano Engroba, os auxiliares Anselmo Otero e Luis A. Guillén, o coordinador de loxística Antonio Ródenas, o xefe médico Javier Couce, o podólogo Miguel Murias e a nutricionista Cristina P. Rodil.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
