Santiago de Compostela, 30 de agosto, 2021. Ante o inicio do curso escolar, a portavoz nacional do BNG, Ana Pontón, afirmou que “urxe reforzar o sistema educativo” e advertiu que os recortes no ensino público, responden a unha “decisión ideolóxica do Goberno do PP da Xunta”. Decisión, que Pontón cualificou de “ acto de cinismo de Feixóo por responsabilizar dos seus recortes en educación ao financiamento do estado”. “O mesmo Feixóo -explicou a líder do BNG- que o ano pasado anunciaba na Conferencia de presidentes gastar os cartos de educación noutros ámbitos, agora emprega a escusa do financiamento para seguir coa súa política de recortes”.
“O próximo curso escolar -advertiu- seguirá marcado pola pandemia e será “un curso de transición” como afirma a propia Conferencia Sectorial de Educación”. Neste sentido, avanzou que o BNG solicitará no Parlamento que a Xunta contrate a “mil profesores e profesoras máis que no curso pasado” e que se poña en marcha unha estratexia para que ao final desta lexislatura “se reduzan as ratios con 20 alumnos e alumnas en primaria e 25 en secundaria.
O PP non aprendeu nada da pandemia
Pontón puxo de manifesto que a situación é diferente á de hai un ano porque os nenos e nenas comezarán as clases sen estar vacinados, a evolución da pandemia é incerta e os gobernos deben garantir a escolarización do alumnado. Por outro lado, a pandemia afectou á evolución educativa do alumnado que obriga a un reforzo no ensino público para reducir estes efectos negativos. A pesar desta nova situación, dixo, “a Xunta do PP insiste en recortar no ensino público e tapar esta irresponsabilidade con mentiras e propaganda”.
A realidade, abondou Pontón, é que o PP pretende recortar máis de 1.600 profesores e profesoras no ensino público como confirma o DOG e a propia Xunta de Galiza. En Secundaria, a falta da publicación definitiva do CADP -Concurso de adxudicación de destinos provisionais-, sabemos que a inspección e as xefaturas territoriais xa comunicaron aos centros a perda dun total de 435 profesores a respecto do curso 20/21.
En Infantil, primaria e educación especial, engadiu, no DOG do 6 de agosto faise efectiva a eliminación de 109 unidades, cun recorte de máis de 150 mestras e mestres.
“Fronte a 2.300 docentes de reforzo contratados o curso pasado, este ano haberá só 1.250, é dicir 1.050 profesoras e profesores menos a pesar de continuar no medio dunha pandemia”, indicou.
Para a nacionalista, a situación require unha explicación de Feixóo porque mentres en Baleares, Valencia, Cantabria, Cataluña, Euskadi, Navarra, ou a Rioxa, manterán ou incrementarán o profesorado, en Galiza “o PP anuncia unha avalancha de recortes en todos os niveis educativos”.
A portavoz do BNG lembrou que, desde o ano 2009 pecharon 138 centros públicos, “1 de cada 10”. Foi incrementado o financiamento do ensino privado ao tempo que o recorte do profesorado na educación pública situábase nun 4,4% fronte o incremento do 5% na educación privada e concertada.
A nacionalista apelou a non repetir os erros do ano pasado que obrigou a adiar o inicio do curso en secundaria e ao espectáculo da semipresencialidade. “Non aprenderon nada da pandemia, nin das recomendacións dos expertos, ANPAs, profesorado, nin das recomendacións da Comisión de reactivación. A súa folla de ruta é o recorte no ensino público para favorecer á privada e execútana de xeito implacábel”.
Desde o BNG, “imos plantarlle cara a estes recortes, porque a educación é o mellor investimento que podemos facer como sociedade e non podemos permitir que o PP continúe hipotecando o noso o futuro”, concluíu.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
