Burela, 11 de setmbro, 2021. As campioas irmandiñas superaron esta tarde o primeiro obstáculo da XV Copa Galicia impoñéndose con claridade ao Viaxes Amarelle FSF (0-6), en cuartos de final. Agora as semifinais agardan, onde o Pescados Rubén Burela se verá as caras co Ourense Envialia, que tamén superou hoxe a rolda, fronte ao Mosteiro Bembrive (2-4); o partido da ida está previsto para o 22 de decembro.
Aínda que o laranxa non luciu na súa indumentaria, o brillo burelista reinou de igual xeito esta tarde. O conxunto de Lucas estreou o electrónico con Leti Cortés (minuto 5), despois dunha boa ocasión do Amarelle entre Èlia e Candela. As burelistas tiveron a paciencia necesaria movendo o balón, elaborando e buscando as fendas. Tras a mellor das coruñesas, con Lau Doce no 12, fronte a Sandra Buzón, as da Mariña souberon como pechar o primeiro acto ampliando a vantaxe ata 0-4. Despois do 0-2 de Bea Mateos en rexeite no minuto 15, Emilly culminou un roubo laranxa en primeira liña, no 19, e Peque puxo a guinda a tan só 3 segundos da bucina cun gran control en pase longo e perfecta definición.
A capitá volveu poñer a súa firma no regreso, xa no minuto 22; o pau evitou a primeira tentativa da 7 laranxa, que non errou tras a caza do rexeite de Dany. O Amarelle non deixou de pelexar; Sandra Buzón estivo moi atenta ante Élia e Candela; tamén soubo como manter as distancias Jozi Oliveira na falta de Irune e un pouco máis tarde fronte a Yaiza. Cami, Elena Aragón e Ale de Paz protagonizaron algunhas das máis envelenadas pero o sexto, que se resistía, e foi a andaluza a que o sentenciou a falta de tres minutos para o final, culminando unha boa transición.
Ficha técnica
Viaxes Amarelle FSF: Leti Rojo, Lau Doce, Carlita, Irune, Candela, cinco inicial; tamén xogaron Patri Romaní, Èlia, Yaiza, Cris Lourés, María Gómez, Sandra, Laura Rivas, Marta Hermo
Pescados Rubén Burela FS: Sandra Buzón, Dany, Peque, Cami, M. Cortés, no cinco inicial; tamén xogaron Ale de Paz, Elenita, Bea Mateos, Elena Aragón, Emilly, Lara Balseiro, Jozi Oliveira
Goles: 0-1, minuto 5, M. Cortés; 0-2, minuto 15, Bea Mateos; 0-3, minuto 19, Emilly Cortés; 0-4, minuto 20, Peque; 0-5, minuto 22, Peque; 0-6, minuto 37, Elena Aragón
Árbitros: Juncal García // Mouro González
Incidencias: Partido de cuartos de XV Copa Galicia disputado no Sagrada Familia da Coruña, que gardou un minuto de silencio polo falecemento do fundador do club local, Severino Amarelle.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
