San Cibrao, 27 de setembro de 2021. “Estamos outra vez en loita porque fracasaron tanto as administracións como Alcoa á hora de facer efectiva a venda da fábrica de San Cibrao. É un auténtico escándalo consentir que a última fábrica de aluminio que queda en pé no Estado español desapareza. E iso é o que están a facer entre Alcoa e o Goberno”, con estas palabras resume o delegado da CIG no comité de Alcoa San Cibrao, Xosé Paleo, as razóns que levaron ao persoal a reactivar dende este luns a folga indefinida na planta da Mariña.
Paleo denuncia as manobras de dilación da multinacional para concretar a venda, que agora se escusa “en que quere un prezo da enerxía para a competencia, que é quen vai mercar a factoría”, para bloquear a operación. Unha petición que cualificou de “sen sentido” e que evidencia o nulo interese de Alcoa en materializar a venda, que segue deste xeito gañando tempo á espera de coñecer a decisión do Tribunal Supremo ao recurso que presentou contra a sentenza de anulación do ERE.
Pero as críticas de Paleo tamén van dirixidas aos gobernos, nomeadamente ao español, que malia os seus compromisos e boas palabras, retirou a SEPI da operación de venda “e que xa nos dixo que non ten ningunha gana de comprar e que lle daba igual o que pasara, que a SEPI non vai intervir”.
Para o representante da CIG resulta “un auténtico despropósito” que se permita que desapareza unha fábrica como a de San Cibrao -máis aínda cando está medrando a demanda do mercado internacional de metais e cando os prezos do aluminio non deixan de subir-, que os traballadores e traballadoras queden sen emprego “e que esta comarca vaia á miseria”.
Por iso, ante esta falta de solucións, e co anuncio do peche da planta de Vestas moi presente, unha das consignas que máis corearon os traballadores e as traballadoras de Alcoa na protesta que desenvolveron ás portas da fábrica coincidindo co arranque da folga foi “sen industria non hai futuro”. Reclamando ao tempo dos gobernos a inmediata a intervención da fábrica como garantía do mantemento dos empregos e da continuidade produtiva.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
