Friol, 22 de outubro de 2021. O delegado do Goberno en Galicia, José Miñones, anunciou hoxe que o Goberno destinará 8,3 millóns de euros do Plan de Recuperación, Transformación e Resiliencia a impulsar proxectos de innovación, dixitalización e sostibilidade ambiental do sector agroalimentario de Galicia. José Miñones avanzou este investimento nas instalacións da cooperativa “Traloagro”, en Friol, que visitou coa subdelegada do Goberno en Lugo, Isabel Rodríguez.
“Non se me ocorre mellor emprazamento que este para anunciar o primeiro investimento do Plan de Recuperación para o sector agroalimentario de Galicia”, apuntou o delegado, quen engadiu que os fondos, correspondentes á convocatoria deste ano, adicaranse a financiar accións de mellora de bioseguridade en sanidade animal e vexetal, así como inversións en xestión ambiental dos xurros da gandería, eficiencia enerxética e economía circular no sector agrícola e gandeiro.
O delegado lembrou que o Plan de Recuperación, Transformación e Resiliencia mobilizará mais de 1.000 millóns de euros ata 2023 para a creación dun novo modelo produtivo no agro. Xunto a este investimento, a nova PAC significará outros 47.724 millóns de euros para España, cunha perspectiva máis sostible e co apoio expreso ao papel da muller rural. Precisamente foi España quen conseguiu incorporar a perspectiva de xénero a este programa, no convencemento da igualdade de dereitos entre homes e mulleres no mundo rural. A este respecto, José Miñones reiterou o papel fundamental das mulleres ruras para a conseguir as transformacións económicas, sociais e medioambientais que ten en marcha o Executivo.
Dentro da Política Agraria Común, o delegado lembrou que o Ministerio de Agricultura vén de adiantar as cantidades precisas para o pago dos anticipos das axudas directas da PAC da campaña 2021. Un adianto que permite que os agricultores e gandeiros galegos xa estean accedendo a 39,9 millóns de euros, “o que supón unha inxección de liquidez moi importante nas súas explotacións”. Por outra banda, segue aberta a liña de axudas para a mellora de eficiencia enerxética en explotacións agrogandeiras, financiada con fondos do Ministerio para a Transición Ecolóxica. Esta convocatoria conta cun orzamento de 1,7 M de euros e as solicitudes poden remitirse ata fin de ano.
“Por tanto, estamos falando de programas e inversións que reflicten o compromiso do Goberno coa agricultura, coa gandería e co sector agroalimentario. Hoxe, poñemos 50 millóns de euros sobre a mesa do rural de Galicia”, concluíu o delegado.
Traloagro
O delegado do Goberno coñeceu as instalacións da gandería ecolóxica bovina de Traloagro no lugar de Pacios, en Friol, da man dos seus propietarios e xerentes, Isabel e Tito Gómez. A eles e a toda a plantilla trasladoulles o seu recoñecemento polo galardón que recibiron este mes das mans do ministro de Agricultura con motivo do Día Internacional das Mulleres Rurais. Tamén exemplificou nesta empresa familiar o esforzo do sector agroalimentario de Galicia por acadar unha produción innovadora, sostible e por dotar de valor engadido a gandería tradicional de Galicia.
O Ministerio de Agricultura, Pesca e Alimentación concedeu a esta cooperativa un dos “Premios de Excelencia á Innovación para Mulleres Rurais” na edición deste ano. En concreto, o grupo lucense recibiu un dos galardóns na categoría de “Excelencia á innovación na actividade agraria”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
