Ribadeo, 8 de novembro de 2021. O salón de plenos acolleu a presentación de Imos Andar, unhas andainas organizadas por Teresa Díaz coa colaboración da Concellaría de Deportes, que terán lugar os martes e os xoves ás 9:45 horas. Trátase dunha actividade gratuíta dirixida a mulleres e homes de calquera idade que queiran camiñar, socializar e pasar unha hora ao aire libre. O único que teñen que facer as persoas interesadas é presentarse nas escaleiras da praza de abastos, ás nove e media da mañá, os martes e os xoves. As rutas arrincarán o 16 de novembro. No acto de presentación estiveron: Teresa Díaz, promotora da iniciativa; o alcalde de Ribadeo, Fernando Suárez; o concelleiro de Deportes, Jorge Díaz, e o técnico municipal de deportes, Iván Rodríguez.
O concelleiro de Deportes, Jorge Díaz, sinalou que “serán dous días á semana para empezar, os martes e os xoves, de dez menos cuarto a once menos cuarto. Tense pensado unha ruta por estación, pero iso xa sería a desenrolar dependendo da xente que queira facer uso desta iniciativa. Por parte do Concello darlle as grazas á organización e como non podía ser doutro xeito colaboramos ao cen por cen”.
O alcalde, Fernando Suárez, subliñou que “esta iniciativa é pioneira e singular. Desde o Concello queremos coordinar que vaia adiante, pero o máis importante é que haxa voluntarios para organizar, como neste caso temos, e que tamén haxa voluntarios e voluntarias para unha actividade que pretende socializar, aproveitar o tempo para o lecer, para o deporte tamén e, sobre todo, para o benestar. Polo tanto, esperemos que nos próximos días a xente se sume a esta iniciativa”.
A promotora destas andainas, Teresa Díaz, explicou que “é un paseo os martes e outro os xoves, e facer o mesmo paseo durante toda unha estación. Empezaríamos agora o de inverno, que serán pola zona de Ove, que sempre queda algo máis protexida. Os martes sairemos desde a praza de abastos, por San Lázaro, ao chegar á piscina metémonos cara ao Camiño de Santiago pola Faxarda e pola Pega, seguimos polo barrio da Fonte e O Castelo, despois pasamos polo Campín dos Cochos e subiremos por encima do cemiterio de Ove. Despois cruzaremos a estrada de Santa Cruz, iremos por encima da Chousa ata os Chaos de Ove e volveremos pola estrada do Folgosa. Son 4´8 quilómetros, ten un pouco de desnivel ao subir en Ove, pero pouca cousa. Entendo que é totalmente asumible”.
Teresa Díaz engadiu que “os xoves sairemos tamén cara ao colexio público porque a entrada é ás nove e media, pero hai pequenos e pequenas que entran ás dez menos vinte, entón para que nos podían atopar sen chegar á praza de abastos saímos por San Lázaro e continuamos en dirección a Santa Cruz, pasamos a ponte da vía do tren e xa nos metemos por unha vía de servizo que hai xunto á circunvalación para ir ata a zona de Vilar, ir por cerca da autovía e volver pola Granxa, pola Casa do Óptico e outra vez á praza de abastos. Tamén son menos de cinco quilómetros”.
A promotora de Imos andar agarda que “sexan paseos que á xente lle apetezan facer para coidarse un pouco e que se estableza grupo, sería o ideal porque unha vez que se saiba o camiño non importa que xente vaia porque sempre irá xente que saiba a ruta de ir máis veces. Queremos que sexa unha actividade con ánimo de que poida continuar sola”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
