Lugo, 8 de novembro, 2021. Bóveda, O Valadouro, Meira, O Vicedo, A Fonsagrada e Sarria acollen esta fin de semana representacións do Circuíto de Teatro Afeccionado
Sábado, 13 de novembro
BÓVEDA
Centro sociocultural, 18:30 horas
O Circuíto de Teatro Afeccionado da Vicepresidencia da Deputación de Lugo programa para este sábado 13 de novembro, en colaboración co Concello de Bóveda, a obra “Por un puñado de grelos”, de Os Trocos, no Salón de actos do Centro sociocultural ás 18:30h.
O grupo de teatro de Castro de Rei desenvolve cun elenco de 14 actores e actrices esta obra que transcorre na mesma Terra Chá. Unha proposta para todos os públicos moi afincada na xeografía e costumes do lugar, transmitindo o respecto polos territorios e a natureza a través do seu fío argumental.
Marcan como límite o río Torto por unha beira e Xustás Town pola outra. Neste último lugar, concretamente en A Escrita, por onde pasa o río Azúmara, e que está controlado polo pobo dos Valuros, coméntase que está aparecendo ouro. A escrita é a única paraxe natural onde se dá a planta sagrada Os Grelos, e un pobo como os Valuros, respectuoso coa natureza e os seus ancestros, non consentirá unha nova invasión por parte do pobo branco.
O VALADOURO
Centro sociocultural Manuel Lourenza, 20:00 horas
O Circuíto de Teatro Afeccionado da Vicepresidencia da Deputación de Lugo programa para este sábado 13 de novembro, en colaboración co Concello do Valadouro, a obra “O lazarillo do Miño”, do grupo Os Pinchacarneiros, no Centro Sociocultural Manuel Lourenzo ás 20 horas.
O clásico Lazarillo que todos coñecemos dá paso a unha versión á galega, en concreto saída da capital lucense e representada con 13 actrices e actores sobre o escenario, nunha proposta destinada a todos os públicos.
Así, varios Lazarillos localizados nas terras do Miño, amosan unha realidade poboada de xentes de todo tipo, cregos nada caritativos, ricos que son máis ben mendigos, xente que se aproveita da boa fe dos demais ou persoas que loitan por ter un codelo de pan que levar á boca. Neste contexto, os diferentes lazarillos deberán tirar do seu enxeño para poder sobrevivir e non morrer de fame. E todo isto con moito humor, danza, teatro e, sobre todo, integración.
O VICEDO
Casa da Cultura, 20:00 horas
O Circuíto de Teatro Afeccionado da Vicepresidencia da Deputación de Lugo programa para este sábado 13 de novembro, en colaboración co Concello de O Vicedo, a obra “A tortilla e a peste”, de Nova Escena Teatro, na Casa da Cultura ás 20 horas.
Unha trama que sube a escena a cinco actrices para expresar dun xeito distinto as vivencias coas que o público poderá conectar baseadas nun momento moi delicado para todos nós como colectivo e tamén de xeito individual: o confinamento.
Varias mulleres contan a súa experiencia durante este período. A privación de contacto, o illamento, a distancia, fan que cousas cotiás, como unha simple tortilla, adquiran unha dimensión diferente, converténdose no “axis mundi” duns personaxes ligados ao mundo a través do finísimo fío da tecnoloxía.
A FONSAGRADA
Salón de Actos Municipal Os Chaos, 19:00 horas
O Circuíto de Teatro Afeccionado da Vicepresidencia da Deputación de Lugo programa para este sábado 13 de novembro a representación da obra “Spinof”, de Curuxán, no Salón de Actos Municipal Os Chaos ás 19 horas.
Este espectáculo de humor e improvisación para público adulto está baseado no método Harold de creacións en escea impro. A través de tres historias conectadas co “efecto bolboreta”, o propio público escollerá aos protagonistas, ás súas historias, o contexto e os seus obxectivos: un home de negocios que precisa axuda, unha anciá que só ten lembranzas e unha axente de viaxes que quere rematar a súa xornada para poder descansar.
Este caos argumental sen guión ofrece o maior dos protagonismos ao público asistente, conseguindo dar sentido ao que acontece sobre as táboas a través da ferramenta da improvisación “in situ” tras as decisións que toman os propios espectadores. O grupo de teatro Curuxán comeza a súa actividade hai 7 anos, partindo do mundo das artes escénicas e audiovisuais. Pouco a pouco, van creando “grupos de improvisación nos que adestramos unha vez por semana a mecánica de actuación”, asegura José Luis Bermúdez, responsable do grupo. Hai xa seis anos que participan do circuíto de teatro afeccionado, facendo unha valoración “moi positiva pola motivación que supón para todos nós”.
MEIRA
Centro Sociocultural, ás 20.00 horas
O Circuíto de Teatro Afeccionado da Vicepresidencia da Deputación de Lugo programa para este sábado 13 de novembro en colaboración co Concello de Meira a obra “As tres solteironas”, da Asociación Cultural Abrente, no Centro Sociocultural ás 20 horas.
Esta comedia ambientada nos anos 50 caricaturiza a ansia de dúas familias por amañar as súas herdanzas pactando casamentos, cunha trama argumental que se complica por certos intereses económicos, algún namoramento imprevisto, un cura de armas tomar, envexas, malas linguas e ata una meiga e un enxame de abellas. Unha representación satirizada dos costumes e formas de ver a vida na sociedade rural dos anos 50.
A obra, escrita polo párroco Anxo Eiriz, conta cun elenco de 13 actrices e actores da Asociación Cultural Abrente. Unha agrupación fundada no 2008 no concello de As Nogais, na que se imparten distintas actividades vencelladas á música tradicional, e que no ano 2016 decide crear este grupo de teatro, que leva participando no Circuíto da Deputación desde hai xa tres anos. Co teatro costumista por bandeira, desenvolven a súa actividade “cunha aula de persoas adultas e outra para os máis cativos, de tres anos en adiante, porque neste pobo xa había tradición de facer teatro e nós queremos continuala”.
Domingo, 14 de novembro
SARRIA
Escola de Louseiro, ás 19:00 horas
O Grupo de Teatro da Biblioteca Municipal de Antas de Ulla representa a obra “Historias pequenas de xente que non lle importa a ninguén” na escola de Louseiro, no concello de Sarria o vindeiro domingo 14 de novembro.
A obra, que forma parte das propostas incluídas no circuíto de teatro afeccionado da Vicepresidencia da Deputación de Lugo, é o resultado da suma de varias escenas independentes interpretadas por dous actores ou actrices. Trátase de personaxes que están tristes, ou que teñen medo, ou que piden axuda porque viven algún momento de dificultade: unha mendiga que reclama, unha moza que pide traballo, un neno que atopa unha estrela, unha moza con ollo de cristal, unha moza que come o presente de orquídeas que lle regalan, un barbeiro que axuda a desaparecer, un domador que perde o seu león, un robot que non entende aos humanos e un asasino asasinado.
Historias que acaparan a atención dos asistentes nunha trama destinada a público adulto, que amosa situacións vitais e encrucilladas para ir resolvendo problemas nunha sociedade que ás veces vai demasiado rápido.
A Asociación Cultural Os Gorriós colabora coa área de Cultura da Vicepresidencia na organización da representación, que será as 19.00 horas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
